• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:20:42
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

24 Tamyz, 2019 Aımaqtar

Qostanaıda Qazaqstan ulttyq teatrlarynyń V respýblıkalyq festıvaliniń jabylý keshi ótti

Osyǵan deıin festıval Nur-Sultan, Qaraǵandy, Shymkent qalalarynda ótken.

2019 jylǵy 23 tamyzda Qostanaı qalasynyń «Jastar saraıy» konserttik zalynda Qazaqstan ulttyq (etnıkalyq) teatrlarynyń V respýblıkalyq festıvaliniń saltanatty jabylý keshi ótti.

atc

О́zderińizge belgili bolǵandaı atalǵan festıval eki jylda bir ret ótedi. Osyǵan deıin festıval Nur-Sultan, Qaraǵandy, Shymkent qalalarynda ótken. Osy jyly festıval Qostanaı qalasynda aǵymdaǵy jyldyń 20-23 tamyz aralyǵynda ótti. Festıvalǵa bes teatr, atap aıtqanda Shymkent qalalyq ózbek drama teatry (S.Dosanov «Qasqyr ulyǵan tún» /drama/ ózbek tilinde, rejısser: S.Melıev),  Memlekettik respýblıkalyq akademııalyq koreı mýzykalyq komedııa teatry (Ǵ.Músrepov «Poema o lıýbvı» (Qozy Kórpesh – Baıan Sulý) /spektakl epos/ káris tilinde, rejısser: D.Jýmabaeva), Q.Qojamııarov atyndaǵy respýblıkalyq memlekettik akademııalyq uıǵyr mýzykalyq komedııa teatry («Apat» /mýzykalyq-plastıkalyq spektakl/ rejısser: Iа.Shamıev), I.Omarov atyndaǵy Qostanaı oblystyq qazaq drama teatry (N.Gogol «Úılený» /komedııa/ qazaq tilinde, rejısser: A.Baımahan), Qostanaı oblystyq orys drama teatrlary qatysty (N.Sadýr «Pannochka» /mıstıkalyq melodrama/ orys tilinde, rejısser: A.Lıopa).

Qazylar alqasynyń quramy:

  • Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasynyń múshesi Jýmadıldaeva Natalıa Vasılevna;
  • Qazylar alqasynyń tóraǵasy, teatr synshysy, Ǵ. Músirepov atyndaǵy Qazaq memlekettik akademııalyq balalar men jasóspirimder teatrynyń kórkemdik jetekshisi, ónertaný ǵylymdarynyń kandıdaty Erkin Jýasbek;
  • Kıno jáne teatr akteri, Qazaqstannyń eńbek sińirgen ártisi, M.Iý. Lermontov atyndaǵy Memlekettik akademııalyq orys drama teatrynyń akteri Mıhaıl Tokarev;
  • Teatrtanýshy, ónertaný kandıdaty, T.Júrgenov atyndaǵy qazaq ulttyq óner akademııasynyń dosenti, Halyqaralyq teatr synshylary assosıasııasynyń múshesi Anar Erkebaı;
  • Akter, Qazaqstannyń eńbek sińirgen qaıratkeri, «Nomad City Hall» teatrynyń bas rejısseri Saılaý Qamıev.

Osy ýaqyttyń ishinde Qostanaı qalasynyń qonaqtary men turǵyndary festıval qatysýshylarynyń qoıylymdaryn kórip, rızashylyqtaryn bildirdi.

f

Saltanatty jabylý keshine Qazaqstan halqy Assambleıasynyń, QR Mádenıet jáne sport mınıstrliginiń ókilderi, Qostanaı oblysynyń basshylyǵy, oblystyń óner qaıratkerleri, QR etnoteatrlarynyń ujymdary, BAQ, teatr súıer qaýym, qala turǵyndary men qonaqtary qatysty.

Is-sharany quttyqtaý sózimen Qazaqstan Respýblıkasy Prezıdent ákimshiliginiń Qazaqstan halqy Asssambleıasy hatshylyǵy meńgerýshisiniń orynbasary N.M. Narjanov ashty.

Osydan keıin keshtiń júrgizýshileri festıvaldiń qorytyndylaryn jarııalaý jáne dıplomdardy tabystaý úshin sóz kezegin qazylar alqasynyń tóraǵasy men múshelerine berdi.

Teatrtanýshy, ónertaný kandıdaty, T.Júrgenov atyndaǵy qazaq ulttyq óner akademııasynyń dosenti, Halyqaralyq teatr synshylary assosıasııasynyń múshesi Anar Erkebaı «Festıvaldiń ekinshi plandaǵy úzdik er adam beınesi» nomınasııasy boıynsha dıplommen N.Sadýrdyń «Pannochka» spektaklindegi Iаvtýh roli úshin Qostanaı oblystyq orys drama teatrynyń akteri Oleg Smırnovty marapattady.

Teatr akteri ári rejısseri, Qazaqstannyń eńbek sińirgen qaıratkeri, «Nomad City Hall» teatrynyń bas rejısseri Saılaý Qamıev «Festıvaldiń ekinshi plandaǵy úzdik áıel beınesi» nomınasııasy boıynsha dıplommen N.Gogoldiń «Úılený» spektaklindegi Dýnıasha roli úshin I.Omarov atyndaǵy Qostanaı oblystyq qazaq drama teatrynyń aktrısasy Nazıra Imandy marapattady.

Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasynyń múshesi Natalıa Jumadildaeva «Festıvaldiń kórermen kózaıymy júldesi» nomınasııasy boıynsha dıplommen «Qasqyr ulyǵan tún» spektakli úshin Shymkent qalalyq ózbek drama teatryn marapattady.

Kıno jáne teatr akteri, Qazaqstannyń eńbek sińirgen ártisi, M.Iý. Lermontov atyndaǵy Memlekettik akademııalyq orys drama teatrynyń akteri Mıhaıl Tokarev «Festıvaldiń úzdik ssenografııalyq jumysy» nomınasııasy boıynsha dıplommen N.Sadýrdyń «Pannochka» spektakli úshin Qostanaı oblystyq orys drama teatryn marapattady.

Teatr synshysy, Ǵ. Músirepov atyndaǵy Qazaq memlekettik akademııalyq balalar men jasóspirimder teatrynyń kórkemdik jetekshisi, ónertaný ǵylymdarynyń kandıdaty Erkin Jýasbek «Festıvaldiń úzdik áıel beınesi» nomınasııasy boıynsha dıplommen N.Gogoldiń «Úılený» spektaklindegi Agafıa Tıhonovna roli úshin I.Omarov atyndaǵy Qostanaı oblystyq qazaq drama teatrynyń aktrısasy Dıana Tursynovany marapattady.

Qazaqstan Respýblıkasy Mádenıet jáne sport mınıstrligi Kınematografııa jáne teatr óneri basqarmasynyń bas sarapshysy Gúlnafıs Myrzasheva «Festıvaldiń úzdik er adam beınesi» nomınasııasy boıynsha dıplommen N.Gogoldiń «Úılený» spektaklindegi Podkolesın roli úshin I.Omarov atyndaǵy Qostanaı oblystyq qazaq drama teatrynyń akteri Qonysbek Begaıdarovty marapattady.

Qostanaı oblysy ákimdiginiń Mádenıet basqarmasynyń basshysy Erlan Qalmaqov «Festıvaldiń úzdik rejısserlik jumysy» nomınasııasy boıynsha dıplommen «Apat» spektakli úshin Qudys Qojamııarov atyndaǵy Respýblıkalyq memlekettik akademııalyq uıǵyr mýzykalyq komedııa teatrynyń rejısseri Iаlkýnjan Shamıevti marapattady.

«Festıvaldiń úzdik spektakli» nomınasııasy boıynsha bas júldeni Qazaqstan Respýblıkasy Prezıdent ákimshiliginiń Qazaqstan halqy Asssambleıasy hatshylyǵy meńgerýshisiniń orynbasary N.M. Narjanov «Poema o lıýbvı» spektakli úshin Respýblıkalyq memlekettik akademııalyq koreı mýzykalyq komedııa teatryn marapattady.

Nomınasııalar boıynsha júldeler tabystalǵannan keıin jergilikti shyǵarmashylyq ujymdarynyń qatysýymen konserttik baǵdarlama usynyldy, sonymen qatar jabylý saltanatynyń arnaıy qonaǵy Nur-Sultan qalasynyń «VoiceKZ» toby óz ónerlerimen kórermenderdi qýantty.

Ilmek sózder: Qostanaı oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir