О́ńirdiń ındýstrııaldyq áleýetimen tanysý "Bıomer Armatýra" jaýapkershiligi shekteýli seriktestiginen bastaldy. Bul – nemis tehnologııasy boıynsha sharly ilmekti armatýra shyǵaratyn búkil Ortalyq Azııada teńdesi joq kásiporyn. Atalǵan ónim túri munaı-gaz sektory men turǵyn úı-kommýnaldyq sharýashylyq salasynda suranysqa ıe.
Memleket basshysy sodan keıin "Recycling Company" jaýapkershiligi shekteýli seriktestigine qarasty Qazaqstandaǵy eski kólik quraldaryn óńdeıtin tuńǵysh zaýytta boldy. Jylyna 50 myń avtomobılge deıin qaıta óńdeýge múmkindik beretin balqytý sehynyń jumysy men shrederlik qurylǵy Prezıdenttiń erekshe qyzyǵýshylyǵyn týǵyzdy. Mashınalardy jınap, óńdeýdiń keshendi ádisi elimizdiń avtomobıl parkin jańartýǵa, ekologııalyq ahýaldy jaqsartýǵa múmkindik beredi.
"Alfarýh" kóterme-bólý ortalyǵynda Qasym-Jomart Toqaev kross-dok, klımattyq qoıma men kóterme-bólshek ortalyǵyn aralap kórdi. Prezıdent atalǵan nysannyń tranzıttik-logıstıkalyq múmkindikterin keńeıtýdiń mańyzdylyǵyn jáne Qaraǵandynyń tájirıbesin basqa óńirlerge engizý qajettigin atap ótti.
Sondaı-aq, munda Qaraǵandydaǵy turǵyn úı qurylystarynyń júrgizilý barysyna arnalǵan tanystyrylym rásimi ótti. Memleket basshysyna aldaǵy ýaqytta oblys ortalyǵynyń ajaryn asha túsetin jańa sáýlet jobalary kórsetildi. Oblys ákimi Erlan Qoshanov Qaraǵandynyń jańa ortalyǵynda boı kóteretin turǵyn úıler, áleýmettik nysandar men sport keshenderi týraly baıandady.
Pikir qaldyrý
pikir