• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:11:52
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

23 Tamyz, 2019 Ult bolmysy

Tarazdaǵy Jambyl Jabaevtyń eskertkishi daýǵa aınaldy

Jambylda dańqty jyraýdyń eskertkishi daýǵa aınaldy dep habarlaıdy Qamshy.kz aqparat agenttigi "Astana" telearnasyna silteme jasap.

Telearnanyń málimetinshe, byltyr Tarazda turǵyzylǵan Jambyl Jabaevtyń jańa eskertkishi keıbir turǵyndardyń kóńilinen shyqpaı tur. Jambyldyń jańa eskertkishi oblys ákimdiginiń aldyna byltyr qazanda qoıylǵan bolatyn. Nur Otan partııasynyń ókilderi eskertkish úkimet qaýlysynsyz aýysqanyn málimdedi.

"63 jyldan asyp ketti, bul Taraz qalasynyń pasporty. Bilesiń ba, mynaý esh ýaqytta pasport bola almaıdy. Burynǵy turǵan Jambyl mynaý shoıynnan quıylǵan. Mine, myna jerde obraz bar, dınamıka bar, birinshiden materıalnost bar, beriktik bar. - Al, qazirgisi? - Ol mine, mynandaı qańyltyr", - deıdi músingi Seıitkárim Momyshev. Al qala bıligi eskertkish boı kótergen 54 jylda 17 ret jeńil-jelpi jóndeý júrgizdik deıdi. Jóndele-jóndele tozyǵy jetipti. Sondyqtan Almatydan arnaıy mamandar shaqyryp, eki ret saraptama júrgizgen. Sonyń qortyndysyna saı demeýshilerdiń qarjylaı qoldaýymen aýystyrdyq dep otyr.

"Sol saraptama jumystarynyń nátıjesinde bul eskertkishte kúrdeli jaryqtardyń paıda bolǵandyǵy, jalǵanǵan jaryqtary arasynda, arqasy men qoltyqtarynda, tómengi etekterinde, syrtqy qabaty qabyrshyqtanǵany, qaýipti temir qaqtar paıda bolǵandyǵy, sapasyzdyǵy týraly anyqtama jasalǵan bolatyn. Eki ret ótkizip, ornynan alý, jóndeý jumystaryn júrgizý týraly bizge jetkizip otyr", - deıdi Taraz qalasy ákiminiń orynbasary Kenjebek Oljabaı.

Nur Otan partııasy Jambyl oblystyq fılıaly tóraǵasynyń birinshi orynbasary Erqanat Manjýov eski músinde esh min joǵyn aıtady. "Barlyq jaǵynan eskertkish durys emes.

Birinshiden músin ońtústikke qaraý kerek. Al bul soltústikke baǵyttalǵan. Ekinshiden, eskertkish ol jerden kórinbeıdi. Úshinshiden, ol aqyn, ol atqaminer, qoǵam belsendisi emes ákimdik aldynda turatyndaı. Osy 3 derek boıynsha oǵan qoǵam músheleri qarsy. Al bul rette biz partııa buqaranyń jaǵyndamyz. Al eskertkish memleket qorǵaýynda bolǵandyqtan, ony ózgertýge aýystyrýǵa Úkimet qaýlysy kerek. Ol oblysta joq. Iаǵnı, zańbuzýshylyq bolyp otyr", - deıdi Erqanat Manjýov. Qazirgi eskertkishtiń bıiktigi - 4 metr bolsa, salmaǵy - 1,5 tonna. Al eski músin "Jasyl Taraz" mekemesiniń qoımasynda tur. Ony elimizdiń sýretshiler odaǵy kásibı jóndeýden ótkizý kerek depti. Basshylyqtaǵylar jóndeý jumysyna demeýshiler tabylsa, ekinshi eskertkishke Tarazdan taǵy bir oryn tabylady deıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir