• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:32:11
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

21 Tamyz, 2019 Ekonomıka

Halyq bankiniń alǵashqy jartyjyldyqtaǵy qorytyndylary

Halyq bank 2019 jyldyń birinshi jarty jyldyǵyndaǵy qyzmetiniń nátıjelerin jarııalady, – dep habarlaıdy Qamshy.kz aqparat agenttigi.

«Halyk pen Qazkom-nyń birigýiniń asa kúrdeli prosesiniń aıaqtalǵanyna bir jyl boldy. 2019 jyldyń birinshi jarty jyldyǵynda Bank klıentke baǵdarlaý, klıentterge qyzmet kórsetý sapasyn jáne tehnologııalylyǵyn arttyratyn sıfrlyq servıster men úrdisterdiń ári qaraı damýyna, tranzaksııalyq bankıngtiń múmkindikterin keńeıtýge nazar aýdara otyryp, Toptyń jańa damý strategııasyn júzege asyrýǵa shoǵyrlanǵandy bolatyn. Onymen birýaqytta, HalykBank shekara syrtynda da josparly jáne núkteli jyljyp keledi, atap aıtqanda, kórshiles О́zbekstan naryǵynyń jańa múmkindikteri men perspektıvalaryn paıdalanyp kelemiz, – dep Halyq bank basqarmasynyń tóraıymy Úmit Shaıahmetova málimdedi, – Istelgen jumystyń nátıjesi esepti kezeńde bazalyq qarjy kórsetkishteriniń turaqty ósimi, kredıt qorjynynyń sapasyn arttyrý, halyqaralyq reıtıngterdiń ósýi boldy, bul qarjy ınstıtýty damýynyń syndarly baǵytyn taǵy bir ret rastap otyr. Uzaqqa sozylǵan pozıtıvti trend jańa dıvıdendtik saıasatty bekitýge múmkindik berdi, bul HalykBank aksııalary men JDQ-nyń baǵa belgilenýiniń ósýine jaǵymdy áser etti».

Taza paıda 2018 jyldyń II toqsanynda 24.1 mlrd. teńgemen salystyrǵanda 2019 jyldyń II toqsanynda 89.7 mlrd. teńgege deıin ulǵaıdy, bul negizinen 2018 jyldyń II toqsanynda qarjylyq emes aktıvterdiń qunsyzdanýynan bolǵan 28.5 mlrd. teńge mólsherindegi zalaldyń nátıjesinde, sondaı-aq Halyq bankine qosylýyna baılanysty Kazkommersbanktiń (KKB) 2018jyldyń II toqsanynda 43.3 mlrd. teńge mólsherindegi merzimi ótken salyq aktıvin tanýdy toqtatý esebinen boldy.

H

Paıyzdyq kirister negizinen paıyzdyq aktıvterdiń ortasha qaldyqtarynyń ósýi esebinen 2018 jyldyń II toqsanyndaǵy 171.0 mlrd. teńgemen salystyrǵanda 2019 jyldyń II toqsanynda 179.9 mlrd. teńgege ulǵaıdy. Paıyzdyq shyǵystar 2018jyldyń II toqsanymen salystyrǵanda 0.6%-ǵa tómendedi. Taza paıyzdyq marja negizinen paıyzdyq mindettemelerdi paıyzdyq aktıvterge ornalastyrý úlesin ulǵaıtý esebinen 2019 jyldyń I toqsanymen salystyrǵanda 2019 jyldyń II toqsanynda jyldyǵy 5.1%-ǵa deıin ósti.

Klıentterge beriletin zaemdar boıynsha táýekeldiń quny 2019 jyldyń II toqsanynda iri problemalyq zaemdardyń birýaqytta óteýine baılanysty 0.3% qurady.

Qyzmetter men komıssııalar boıynsha kirister tranzaksııalyq bıznestiń, negizinen plastık kartalary boıynsha operasııalar, sondaı-aq kassalyq operasııalar men banktik aýdarymdar – esep aıyrysý shottary boıynsha ósip kele jatqan kólemniń nátıjesinde 2019 jyldyń I toqsanymen salystyrǵanda 2019 jyldyń II toqsanynda 13.9%-ǵa ósti.

Integrasııaǵa deıin Bank pen KKB-niń zańdy tulǵalarynyń aǵymdaǵy shottary arasyndaǵy aýdarymdar syrtqy aýdarymdar retinde qarastyrylǵan jáne olarǵa tıisti komıssııalar qoldanyldy. Integrasııadan keıin osy aǵymdaǵy shottar arasyndaǵy aýdarymdar ishki aýdarymdar retinde qaralýda, demek, tegin bolyp tabylady. Nátıjesinde banktik aýdarymdardan – esep aıyrysý shottarynan alynǵan komıssııalyq kirister 2018 jyldyń II toqsanymen salystyrǵanda 2019 jyldyń II toqsanynda tómendedi.

Qyzmetter men komıssııalar boıynsha shyǵystar negizinen Banktiń ekvaırıngtik jelisindegi basqa bankterdiń kartalary boıynsha operasııalar sanyn arttyrý esebinen 2019 jyldyń I toqsanymen salystyrǵanda 14.9%-ǵa artty.

О́zge paıyzdyq emes kirister negizinen QRUB-nen svopty qaıta baǵalaýdan eń tómen zalaldyń jáne «Halyk Life» AQ enshiles kompanııasynyń tartylǵan zeınetaqy annýıtetteriniń sanyn arttyrý nátıjesinde saqtandyrý qyzmetinen eń joǵary kiristiń esebinen 2019 jyldyń I toqsanyndaǵy 28.5 mlrd. teńgemen salystyrǵanda 2019 jyldyń II toqsanynda 48.7 mlrd. teńgege deıin 70.8%-ǵa artty.

Operasııalyq shyǵystar negizinen 2018jyldyń II toqsanynda 28.5 mlrd. teńge mólsherinde qarjylyq emes aktıvterdiń qunsyzdanýynan bolǵan zalaldyń esebinen jáne KKB-niń Halyq bankine qosylýynan bolǵan sınergetıkalyq áserge baılanysty shyǵyndardy ońtaılandyrý esebinen 2018jyldyń II toqsanymen salystyrǵanda 47.9%-ǵa tómendedi. Operasııalyq shyǵystar 2019 jyldyń 1 naýryzynan bastap jalaqy men syılyqaqyny ındeksteý nátıjesinde 2019 jyldyń I toqsanymen salystyrǵanda 9.9%-ǵa ósti.

Operasııalyq shyǵystardyń operasııalyq kiristerge araqatynasy 2018 jyldyń II toqsanymen salystyrǵanda 2019 jyldyń II toqsanynda operasııalyq shyǵystardyń eń tómengi deńgeıine jáne operasııalyq kiristerdiń eń joǵary deńgeıine baılanysty 2018 jyldyń II toqsanyndaǵy 44.6%-ben salystyrǵanda 22.3%-ǵa deıin tómendedi. Operasııalyq kiris negizinen taza paıyzdyq kiristerdi arttyrý esebinen 2018 jyldyń II toqsanymen salystyrǵanda 4.1%-ǵa artty.

2019 jyldyń II toqsanynda aktıvter negizinen 2019 jyldyń II toqsanyndaǵy REPO operasııalarynan qarajattyń aǵylyp kelýi esebinen 2018 jyldyń aıaǵymen salystyrǵanda 1.1%-ǵa, 2019 jyldyń I toqsanymen salystyrǵanda 2.2%-ǵa ósti.

h

2019 jyldyń I toqsanymen salystyrǵanda klıentterge beriletin zaemdar brýtto negizde 2.0%-ǵa jáne netto negizde 2.1%-ǵa ósti. 2019 jyldyń II toqsanynda brýtto negizde nesıe portfeliniń ulǵaıýy korporatıvtik portfeldiń (brýtto negizde 1.1%), ShOB portfeliniń (brýtto negizde 3.2%) jáne bólshek bıznes portfeliniń (brýtto negizde 3.2%) ulǵaıýyna sebepshi bolǵan.

2019 jyldyń II toqsanynyń aıaǵyndaǵy jaǵdaıǵa sáıkes Stage 3 koeffısıenti korporatıvtik jáne bólshek bıznes zaemshylarynyń bereshekterin óteý jáne buryn qunsyzdanǵan bereshekterin esepten shyǵarý nátıjesinde 2019 jyldyń I toqsanynyń sońynda 20.4%-dan 18.6%-ǵa deıin tómendedi.

Zańdy jáne jeke tulǵalardyń qarajattary negizinen Bank klıentteriniń aǵymdaǵy qajettilikterin qarjylandyrý úshin qarajatty ishinara alyp otyrýy saldarynan 2018 jyldyń aıaǵymen salystyrǵanda 4.9% jáne 4.6%-ǵa qysqardy. 2019 jylǵy 30 maýsymdaǵy jaǵdaıǵa sáıkes teńgege denomınasııalanǵan korporatıvtik depozıtterdiń úlesi, depozıtterdiń jalpy somasy 2019 jylǵy 31 naýryzdaǵy 50.3%-ben salystyrǵanda 55.8% qurady, sol eki arada teńgege denomınasııalanǵan bólshek depozıtterdiń úlesi, depozıtterdiń jalpy somasy 2019 jylǵy 31 naýryzdaǵy 42.6%-ben salystyrǵanda 41.8% qurady.

Kredıt mekemeleriniń qarajattary negizinen REPO kelisimderi boıynsha qazaqstandyq bankterdiń zaemdarynyń artýy esebinen 2019jyldyń I toqsanmen salystyrǵanda 183.9%-ǵa artty. 2019 jyldyń 30 maýsymda Banktiń qarjy ınstıtýttary aldyndaǵy 93.0% mindettemesi qazaqstandyq bankterdiń zaemdarynan (REPO kelisimderi boıynsha zaemdardy qosqanda), ekonomıkanyń jekelegen sektorlaryn qoldaýdyń memlekettik baǵdarlamalary aıasynda «KazAgro» ulttyq basqarýshy holdıngi» AQ-tan, «Damý» kásipkerlikti damytý qory» AQ-tan jáne «Qazaqstan Damý Banki» AQ-tan 2014-2017 jyldyń tartylǵan zaemdardan quralǵan.

«Qazaqstan Halyq Banki» AQ PR qyzmeti

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir