• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:14:23
Qazaqstanda másele sheshilý úshin aldymen adam ólý kerek

21 Tamyz, 2019 Aımaqtar

Jambylda aýyl kásipkeri saýapty iske bastamashy boldy

Jambyl oblysynda Aımantóbe aýyldyq meshit janynan dámhananyń ashyldy. Bul ıgilikti sharaǵa oblystyq ortalyq meshittiń jańa taǵaıyndalǵan bas ımamy Qanat Jumaǵulov arnaıy qatysty dep jazady Qamshy.kz aqparat agenttigi. 

Aınadaı taza, syrtqy-ishki kórinisi birdeı kóz tartarlyq ǵıbadat ornyna kóńili tolǵandyǵyn bildirgen bas ımam kópshilikke birsypyra dinı ýaǵyz aıta kele, jańa ashylǵan dámhananyń qurylymyna da rıza ekendigin joǵary yqylaspen atap ótti.

Jıyn barysynda aýdandyq «Baızaq baba» meshitiniń bas ımamy Ramız Azızov Aımantóbe aýylynda ashylyp otyrǵan bul dámhananyń jyldyń qaı mezgilinde bolmasyn, el ıgiligine qyzmet jasaı beretini, ásirese, Qurban aıt, Oraza aıt merekelerin, aýyz ashar, qudaıy tamaq taratý is-sharalaryn ótkerýge óte yńǵaıly oryn bolǵanyna toqtaldy. Sonymen qatar, ol osy dámhana qurylysynyń oıdan shyǵarlyq dárejede bolýyn qamtamasyz etken Aımantóbe aýylynyń atpal azamaty, belgili kásipker Aıan Lesbekulyna degen rızashylyǵyn basa-basa aıtyp ótti.

Týǵan jerdiń týyn joǵary ustap, jıǵan-tergeninen aýylynyń keregine jaratýda aıanbaıtyn kásipker Aıan Lesbekuly shat kóńilde turyp, «Barlyq maqtaýlar men shúkirlikter jaratqan Allaǵa bolsyn. Men osy aýyldyq meshitti salǵan Kerimjan Japaruly aǵamyzdyń eńbegi erekshe ekenin, al sosyn ǵıbadat úıi jumysynyń jandanýyna jáne jurtty ımandylyqqa shaqyrýda tynbaı is atqaryp kele jatqan aýyl ımamy Kenjehan Rahmanov baýyrymyzǵa Alla razylyǵyn tileımin. Allaǵa shúkir, aýyl adamdarynyń, sonyń ishinde jastardyń aýyzbirliginiń artýy arqasynda minekı dámhana da ashyldy. Kóptep-kómektep, degendeı, sóz etip otyrǵan dámhananyń negizgi demeýshileri bolǵan kásipkerler K.Dıdarbekov, M.Toqtarbaev, Á.Tólepbaev, aǵaıyndy Marat, Murat Qasymovtar jáne sharýa qojalyq ıeleri T.Amanbaev, B.Nurjigitovtarmen birge qurylysty bastap aıaǵyna deıin sátti alyp shyqqan J.Shortanbaevtyń esimderin jyly sózben atap ótken artyq emes. Osy birlik, osy túsinistikti keıingi urpaq boıynan da kórermiz dep úmittenemin. О́ıtkeni ımany uıyǵan elde, ónimdi tirlik órkendeı bermek»,-dep sózin aıaqtady, el isine jarap júrgen kásipker Aıan myrza.

Shynynda da, 200 adam erkin otyryp bir mezgilde tamaqtanýǵa laıyq keń dámhananyń ishki jasaýy: stol men oryndyqtary yńǵaıly, tereze, esikteri de zamanaýı plastık dúnıelerden jasalǵandyqtan barlyǵy bir-birin tolyqtyryp jarasymyn jarııalap-aq tur.

Dámhananyń ashylý qurmetine jaıylǵan dastarhan basynda oblystyq meshittiń bas ımamy Qanat Jumaǵulov quran oqyp, aýyl qarııalary bata beristi.

Jaqsylyqqa jıylǵan jurt bitken iske birkisideı rızashylyq bildirisip tarqady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir