• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:06:10
Qazaqstanda másele sheshilý úshin aldymen adam ólýi kerek

21 Tamyz, 2019 Aımaqtar

Jambyldyqtar jastar "100 jańa oqýlyq" jobasyna dán rıza

Jambyldyq jastar gýmanıtarlyq bilim baǵyttary boıynsha qazaq tilinde tolyqqandy bilim alý úshin jaǵdaı jasaı otyryp, álemniń ozyq oqýlyqtaryn túp nusqadan qazaq tiline aýdarýdy maqsat etken «100 jańa oqýlyq» jobasyn kádesine ońtaıly jaratýda. Kúni búginge deıin joba aıasynda oblysqa qazaq tiline aýdarylǵan 19 kitaptyń 7000 danasy keldi dep jazady Qamshy.kz aqparat agenttigi. 

Barshaǵa málim Elbasy Nursultan Nazarbaev «Bolashaqqa baǵdar: rýhanı jańǵyrý» baǵdarlamalyq maqalasynda «Qoǵamdyq jáne gýmanıtarlyq ǵylymdar boıynsha «Jańa gýmanıtarlyq bilim. Qazaq tilindegi 100 jańa oqýlyq» jobasyn qolǵa alý jaıyn kótergen bolatyn. Sáıkesinshe «Jańa gýmanıtarlyq bilim. Qazaq tilindegi 100 jańa oqýlyq» jobasyn Ulttyq aýdarma bıýrosy qolǵa alyp, álemniń tanymal gýmanıtar-ǵalymdardyń birqatar eńbekterin memlekettik tilge aýdardy. Qazaq tiline aýdarylǵan álem oıshyldarynyń oqýlyqtarynyń árqaısy 10 myń danamen basylyp shyǵyp, elimizdegi 115 joǵary oqý ornymen jergilikti kitaphanalarǵa taratyldy. Bul qatarda Jambyl oblysyndaǵy oqý oryndary men kitaphanalary da bar.

–Qazaq tilindegi aqyl-oıdyń álemdik kemeńgerleriniń qalamynan týǵan dúnıeler oblystyq, qalalyq, aýdandyq jáne joǵary oqý oryndarynyń kitaphanalaryna tolyǵymen taratyldy. Búginde bul kitaptardyń elektrondy nusqalary ázirlendi. Jobalyq ofıs kitaptardyń QR-kodtary bar arnaıy taqtaıshalar daıyndap, oblys, aýdan ortalyqtaryndaǵy adam kóp júretin oryndarǵa ornalastyrý jumystaryn qolǵa aldy. Sonymen birge óńirdegi jetekshi ǵylymı ortalyq sanalatyn M.H.Dýlatı atyndaǵy Taraz memlekettik ýnıversıtetiniń qoldaýymen apta saıyn ár kitaptyń tanystyrylymyn ótkizemiz,– deıdi Jambyl oblystyq «Rýhanı jańǵyrý» jobalyq ofısiniń jetekshisi Serikbol Berikqoja.

Al ekonomıst ǵalym Sultan Ábildaev «Jańa gýmanıtarlyq bilim. Qazaq tilindegi 100 jańa oqýlyq» jobasynyń ekonomıka salasynda maman daıarlaý isine tyń serpin beretinin aıtady.

–Ekonomıst retinde maǵan makroekonomıst Gregorı Menkıýdiń «Ekonomıks» kitaby qatty unady. Men buǵan deıin bul oqýlyqtyń orys tilindegi nusqasyn birneshe ret oqyǵanmyn. «Ekonomıks» kitaby áldeqashan amerıkandyq saıasatkerlerdi ústel kitabyn» aınalyp úlgerdi. Bul týyndysyn da avtor ekonomıkanyń negizgi salalarymen birge salyq júıesi men halyqaralyq saýdanyń máselelerin de nazardan shet qaldyrmaıdy. Sol arqyly oqýlyq oqyrmandarǵa ekonomıkalyq sheshim qabyldaýdan shyǵatyn nátıjeni aldyn ala baǵamdaýǵa múmkindik beredi, – deıdi S.Ábildaev

Aıta ketý kerek jyl sońyna deıin «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda aýdarylǵan kitaptardyń jalpy sanyn 30-ǵa jetkizý josparlanýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir