• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:05:44
Latyn álipbıine kóshý máseleleri semınar-keńeste sóz boldy

19 Tamyz, 2019 NEWS

Atyraý oblysynda 2000-nan astam adam "Aýlardan taza sý aıdyndary" aksııasyna qatysty

17 tamyzda Qazaqstannyń 72 sý aıdynynda "Aýlardan taza sý aıdyndary " ("Vodoemy – chıstye ot seteı") ekologııalyq aksııasy ótti.

QR Ekologııa, geologııa jáne tabıǵı resýrstar mınıstrligi buǵan muryndyq bolyp, qazaqstandyqtardy qatysýǵa shaqyrdy, – dep habarlaıdy Atyraý oblysynyń óńirlik kommýnıkasııalar qyzmeti. 

Sıntetıkalyq aýlar arzan jáne qoljetimdi bolǵandyqtan, olardy paıdalanyp zańsyz túrde balyq aýlaıtyn adamdar ınspektorlardyń tekserýi kezinde bundaı aýlardy sýǵa laqtyryp, ońaı qutylady. Osynyń saldarynan jaǵalaý aımaǵyn sıntetıkalyq materıaldardan jasalǵan aýlar qoqysqa aınaldyrǵan. Jáne uzaq ýaqyt shirimeıtin bul aýlarǵa balyq shyrmalyp, ólip jatady.

– Bul bizdiń kúndelikti jumysymyz, fýnksıonaldyq mindetimiz. Desek te, Ekologııa mınıstrliginiń osyndaı aýqymdy aksııasy qajet-aq. Bizdiń oblysymyzda atalmysh aksııa óńirdegi barlyq sý aıdyndarynda – Atyraýda, Mahambet, Inder, Qurmanǵazy aýdandarynda ótip jatyr, – dedi orman sharýashylyǵy jáne janýarlar álemi Damba ınspeksııasynyń basshysy Elaman Habıbýllın. 

Oblystyq orman sharýashylyǵy jáne janýarlar álemi ınspeksııasynyń habarlaýynsha, qytaılyq aýlarǵa sýda júzetin qustar da tap bolyp, ólýi múmkin. Bul qorshaǵan tabıǵı ortaǵa jáne sý bıoresýrstaryna orasan zor nuqsan keltiredi. 

Sý aıdyndaryn tazalaýǵa oblystyq orman sharýashylyǵy jáne janýarlar álemi aýmaqtyq ınspeksııasynyń qyzmetkerleri, ákimdikterdiń ókilderi, orman sharýashylyqtary, ekologııalyq uıymdar, belsendiler men volonterlar atsalysty.

Atyraý oblystyq orman sharýashylyǵy jáne janýarlar álemi aýmaqtyq ınspeksııasynyń málimeti boıynsha, sońǵy 3 jylda brakonerler Soltústik Kaspııdiń balyq qorlaryna 254 mln teńge kóleminde nuqsan keltirgen. 

Aksııa barysynda ózennen jarty myń kılometrden astam qytaılyq aýlar shyǵaryldy. Jyl basynan beri Atyraý oblystyq orman sharýashylyǵy jáne janýarlar álemi aýmaqtyq ınspeksııasynyń qyzmetkerleri óńirdegi sý aıdyndarynan, árqaısysy 50 metrden kem emes, 1200-den astam zańsyz aýlardy shyǵaryp aldy. 

Qazirgi kezde balyq ýyldyryq shashý úshin Jaıyqtyń joǵarǵy ýchaskelerine bet aldy. Inder, Mahambet, Atyraý jáne Damba ınspeksııalary bólimderiniń ınspektorlary ózendi túrli aýlaý quraldarynan tazartyp, balyqtyń ótýin qamtamasyz etý úshin kún saıyn Jaıyqtyń ózderine qarasty ýchaskelerin súzip, tekserýde. Osyndaı jumystardy ınspeksııa Qurmanǵazy aýdanyndaǵy Qıǵash ózeninde de júrgizýde.

Atyraý oblystyq orman sharýashylyǵy jáne janýarlar álemi aýmaqtyq ınspeksııasynyń basshysy Danııar Baımaǵambetovtyń aıtýynsha, óńirde zańsyz túrde balyq aýlaýmen kúresý jumystary jalǵasady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir