• USD 378.65
  • EUR 430.07
  • RUB 6
  • CNY 55.1
20 Tamyz, 03:16:50
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

16 Tamyz, 2019 Áleýmet

Bolashaqtyń mamandyqtary

Mamandyq tańdaýdan qatelespeý kerek. Bolashaqtyń mamandyqtaryn qazirden meńgerý kerek.

Zamanyna qaraı jańa mamandyqtar paıda bolyp turatyny zańdy qubylys. HH ǵasyrda qazaqtar balalaryn kóbine dánekerleý, mal dárigeri, qurylys salalaryna oqýǵa berdi. Táýelsizdik alǵan 90-shy jyldary ata-analar balalaryn muǵalim, dáriger, zańger mamandyqtaryna túsirdi. 2000 jyldan bastap elimizge IT salasy, IT mamany degen túsinik keldi. Búginde IT salasy eń bir suranysqa ıe salanyń biri. HHI ǵasyr aqparattyq tehnologııalar zamany bolǵandyqtan, osyǵan saı jańa mamandyqtar da dúnıege kelip jatyr. Qamshy.kz aqparat agenttigi búginde bizdiń elde de keń tanymaldylyqqa ıe bolyp kele jatqan eki mamandyqty nazarlaryńyzǵa usynady.

    SMM menedjeri ( Social Media Marketing ). Áleýmettik jelimen jasalatyn marketıng. Estigen el eleń ete qalatyn, kóp adam bilmeıtin salanyń biri. Sońǵy jyldary áleýmettik jeliler ómirimizge ábden endi. Áleýmettik jeliler adamdardyń qarym-qatynasyn jeńildetip qana qoımaı, ózderimen birge jańa mamandyqty da ala keldi.

SMM menedjer qandaı mamandyq?

SMM menedjer adamdarǵa baryp jarnama jasap, tek saıttarmen jumys jasamaıdy. Olardyń basty maqsaty – aýdıtorııa jınaý. Aýdıtorııa jınaý úshin saýatty post jazyp, oqyrmandarmen dıolog quryp, ádemi beınerolıkter túsirý arqyly oqyp otyrǵan oqyrmannyń, kórip otyrǵan kórermenniń qyzyǵýshylyǵyn oıatý. Sonymen qatar aýdıtorııaǵa aqparat, post usyný, jarnama jasaý arqyly paıda tabady. Eń negizgi paıda tabatyn áleýmettik jeliler ınstagram, vkontakte, ıýtýb jáne saıttar.

Elimizde eshbir oqý orny SMM menedjer mamandaryn oqytpaıdy. Ondaı mamandyqty oqytatyn oqý orny da joq. IT mamandardyń aqyl-keńesin tyńdap, SMM menedjerlerdiń kýrstaryna qatysý arqyly osy salany tolyq meńgerýge bolady.

PR menedjer. Bul – «qoǵammen baılanys» degen sózdiń qysqarǵan aǵylshynsha ataýy. Naǵyz PR maman óziniń jáne basqa da naryqtardy tolyqtaı zerttep bilýi tıis. Jańadan qalyptasyp jatqan tendensııalarǵa lezde beıimdele bilý qasıeti bolǵany jón. Osyǵan qosa, kompanııa seriktesterimen, demeýshilermen, tipti úkimetpen tıimdi qarym-qatynas ornata bilýi qajet. Qajetti aqparatqa ıe bola otyryp qana PR-mamany qazirgi tańda úlken tabystarǵa jete alady. Bul maman ıesi kompanııanyń ımıdjin qalyptastyrý úshin jarnama jasaıdy. Sol arqyly kompanııany tanytyp, taýarlaryn ótkizýge kúsh salady. PR mamandaryn jýrnalıstermen shatastyryp jatady. Biraq ekeýi eki túrli mamandyq.

  Ýılıam Gıbson  "Búgingi kún – bolashaqtyń sulbasy" deıdi. Endeshe, aqparattyq tehnologııalar mınýt saıyn damyp jatqan myna álemde zaman aǵymymen birge júzý – ómir talaby.

Alǵabek Hamıtuly

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir