Jáırem kentindegi jaǵdaı turaqtaldy

Daý Qaraǵandy oblysy Jáırem kentinde jańadan salynyp jatqan pollımetall zaýytynyń jasy egde tartyp qalǵan sheteldik jumysshynyń jergilikti qyzdyń jalańash sýretin áleýmettik jelide jarııalaýynan shyqqan, – dep habarlaıdy inbusiness.kz-ke silteme jasap.

"Onyń bul qylyǵyna namystanǵan jigitter ken ornynyń shlagbaýmyn buzyp kirip, onnan astam sheteldikti soqqyǵa jyǵyp, 6 sheteldikti ózderimen qosa áketken. Jergilikti jigitter óz áreketterin "bulardy zaýyt qurylysyn salyp jatqan fırma basshylyǵyna aıyrbastaımyz" dep túsindirgen. Bir máseleniń artyn qazbalap, sheshimin tappaǵan kóp máselege tap bolamyz. Beıresmı málimetterge súıensek, bul jerde eki jarym myńdaı adam jumys isteıdi. Jáırem kentiniń azamattary shetten kep jumys isteıtinderdiń kóptigin, ózderiniń jumys taba almaı júrgendigin de aıtyp qalýda. Jáırem kentine oblys ákimi Erlan Qoshanov jedel jetpegende, oqıǵa odan ári ýshyǵa berer me edi kim bilsin. Oblys basshysy jastardyń talabyn tyńdap, barlyq talaptardyń oryndalýyna kúsh salatynyn aıtqan. Jigitterdiń talaby – vıdeo júktegen sheteldik jurt aldynda keshirim surasyn jáne Jáıremnen túrik fırmasy ketsin. Qazirgi tańda kenttegi jaǵdaı turaqty. Jeńil jaraqat alǵan sheteldikterge medısınalyq kómek kórsetilgen" – dep jazady avtor.

Aısultan Jaqypov