• USD 378.65
  • EUR 430.07
  • RUB 6
  • CNY 55.1
21 Tamyz, 11:27:37
Alpınısterdiń naqty qaı jerde ekeni áli belgisiz

12 Tamyz, 2019 NEWS

Balany mektepke qaı jastan bastap berý kerek?

Aǵymdaǵy jyldyń 1 qyrkúıeginde bala 6 jasta bolsa, ol mektepke barýy kerek, sebebi baǵdarlama 6 jasar balaǵa arnap daıyndalǵan.

Almaty qalalyq bilim basqarmasynyń basshysy Gúlnár Qojabergenova balany mektepke 6 nemese 7 jasynan bastap jiberý týraly suraqqa jaýap berdi, dep habarlaıdy Qamshy.kz aqparat agenttigi.

"Qańtarda Qazaqstan Respýblıkasyndaǵy bilim týraly zańǵa aǵymdaǵy jyldan bastap 6 jasqa deıingi balalar mektepterge qabyldanady degen ózgertý engizildi. Buryn 6-dan 7-ge deıin dep jazylǵan bolatyn. Ata-analar ózderi biletin. Balasyn 6 nemese 7 jasta mektepke beretin. Zańǵa túzetýler jyldyń ortasynda engizildi, ata-analar daıyn bolmady, balalaryn daıyndamady. Sondyqtan,bıylǵy jyly olar tańdaý quqyǵyna ıe: balany berý-bermeý týraly sheshimdi ózderi qabyldaıdy. Biraq, aǵymdaǵy jyldyń 1 qyrkúıeginde bala 6 jasta bolsa, ol mektepke barýy kerek, sebebi baǵdarlama 6 jasar balaǵa arnap daıyndalǵan. Bıyl biz ata-analarǵa tańdaý quqyǵyn beremiz", – dedi Gúlnár Qojabergenova brıfıngte.

Alaıda ol, ata-analar balalaryn mektepke 6 jastan jiberý kerek dep atap ótti. Sebebi, 12 jyldyq bilim berýge birtindep kóshý bastaldy. Bilim basshysy 6 jasynda balasyn mektepke jibermegen ata-analarǵa eshqandaı shara qoldanylmaıtynyn basa aıtty.

"Ata-analardyń bala baǵdarlamany ıgerip kete almaıdy deýine negiz joq. Baǵdarlama 6 jasar balaǵa arnalǵan", – dep túıindedi bilim basqarmasynyń basshysy.

Alma Muqanova

inform.kz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir