Qorǵanys mınıstrliginiń polıgonynda ushaq qulady

4 tamyz kúni Tájikstan Respýblıkasy Qorǵanysqa járdemdesý qoǵamdyq uıymynyń «An-2» oqý-jattyǵý ushaǵy qulady. Oqıǵa saldarynan bir adam qaıtys bolyp, taǵy bireýi aýrýhanaǵa jetkizildi dep habarlaıdy Qamshy.kz aqparat agenttigi Hovar agenttigine silteme jasap.

1978 jyly jasalyp, qoldanysqa berilgen ushaq Tájikstan Qorǵanys mınıstrliginiń «Fahrabad» oqý-jattyǵý polıgonynda, josparly ushýlardy oryndaý kezinde tehnıkalyq sebepterge baılanysty apatqa ushyrady.

68-jastaǵy ushqysh Horasan aýdandyq aýrýhanasyna jeter-jetpes jolda kóz jumǵan. 28-jastaǵy qosymsha ushqysh sol aýrýhanada jatyr. Qazir atalmysh eldiń Memlekettik ulttyq qaýipsizdik komıteti apatqa qatysty qylmystyq is qozǵady. Tergeý amaldary júrip jatyr.