Saılaýdan soń aýrýhanaǵa túsip qalǵan QR Prezıdenttiginen úmitker bolǵan Ámirjan Qosanov BAQ-tarǵa suqbat bere bastady dep habarlaıdy Qamshy.kz aqparat agenttigi Zakon.kz saıtyna silteme jasaap.
"Saılaý aldy,saılaý kezindegi úgit-nasıhat jumystaryna jumsalǵan eki aı, shynyn aıtaıyn, men úshin ońaıǵa soqqan joq. Saılaýdan soń aýrýhanadan bir-aq shyqtym. Dárigerler uıqy qanbaǵandyqtan, kóńil-kúıdiń qubylmaly bolýynan, shamadan tys jumys istep qoıǵandyqtan júıkeńiz syr bergen dedi. Rasynda, prezıdent saılaýyna qatysý degen ońaı nárse emes. Kóp energııa men júıkeniń tózimdiligin talap etedi. Qazir endi ǵana óz-ózime kelip, es jıyp jatyrmyn. Endi saılaý nátıjesin qorytyndylap, oǵan óz baǵamdy berýge daıynmyn", - deıdi ol.
Sondaı-aq óz suqbatynda Qosanov saılaý qorytyndysy tolyq jarııalanyp bolǵanyna qaramastan Prezıdent Toqaevty jeńisimen nege asyǵys quttyqtaǵanyn da túsindirdi.
"Shynymdy aıtaıyn, saılaý bolatyn kúnge 10 kún qalǵanda resmı emes ınsaıderlik aqparat kózderinen 9 maýsymda kóterilis jasaýǵa áreket jasap jatqan adamdar bary týraly bildim. Al 10 maýsymda saılaýdyń qorytyndysy jarııalanatyn kún. Ortalyqta, óńirlerde bolatyn provokasııalyq aksııalar týraly naqty sóz shyqty. Ábilázov pen sonyń adamdary uıymdastyrmaq delindi. Tipti, saılaý aıaqtalǵanǵa deıin úshinshi taraptyń meniń kózimdi qurtý jospary da bolypty.
Sondyqtan 10 maýsymda saǵat 12-de meniń jasaǵan málimdemem sál keshikkende bári kesh bolar ma edi? О́ıtkeni sol túni bári meniń aýzymdy baǵyp otyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir