• USD 378.65
  • EUR 430.07
  • RUB 6
  • CNY 55.1
23 Tamyz, 20:05:51
Qoryqshylardyń materıaldyq-tehnıkalyq bazasy kúsheıtiledi

01 Tamyz, 2019 NEWS

Lagerge demalýǵa kelgen balalardy tálimger azǵyndyqqa ıtermelegen (vıdeo)

Astanalyq stýdent Aqtóbede balalardy azǵyndyqqa ıtermeledi dep aıyptalýda

Aqtóbedegi balalar lagerleriniń birinen shý shyqty. Demalýǵa kelgen jeti jetkinshektiń ata-anasy tártip saqshylaryna sondaǵy tálimgerdiń azǵyndyqqa barǵanyn aıtyp, shaǵymdanǵan. Olardyń sózinshe, 22 jastaǵy jigit uldardyń uıatty jerinen ustap, tıisetin kórinedi. Demalys ornynyń basshylary bolsa, onyń mundaı qylyǵyn baıqamadyq dep otyr dep jazady Qamshy.kz aqparat agenttigi KTK telearnasyna silteme jasap.

Aqtóbe irgesindegi «Aqbóbek» lagerine demalýǵa ketken ulynyń qorlyq kórgenin estigen myna ana shalǵaıdaǵy aýyldan shuǵyl jetipti. 22 jastaǵy tálimgerdiń uıatty qylyǵyn balasy jylap turyp jaıyp salǵan.

"Ol bizben birge dýshqa kirip, óziniń múshesin kórsetti. Basqalardyń múshesin ustady. Túnde uıyqtap jatqanda keledi de, basqa balalardyń tómen jerin qysady. Sosyn olar oıanyp ketedi. Ol bizdi boqtady.",- deıdi lagerdegi bala.

Tálimgerdiń azǵyndyǵyn aıtyp sondaǵy jeti uldyń ata-anasy tártip saqshylaryna shaǵym túsiripti. Barlyǵy derlik balalaryn demalys ornynan birden alyp ketken.

"Sonda ol manıak qoı, anaýyń turǵanymen. Balaǵa tıisken. 22 jasta, ózi áli bala, mysaly. Balalarǵa tıisken, tómengi jaqtaryn ustaǵan. О́ziniń tómengi jaǵyn kórsetken. Deni durys adam sóıte me?",- deıdi ashynǵan ana.

Al lager basshylarynyń ózderi bul oqıǵaǵa sener emes. Sebebi demalys ornynyń barlyq jerine beınekamera ornatylǵan kórinedi. Tálimgerdiń ersi qylyǵyn baıqamadyq dep otyr.

Shamshyraq Saılagıeva, «Aqbóbek» JShS dırektorynyń orynbasary:

"Palatalar bolsyn, ashana bolsyn, dýsh bolsyn, barlyq jerde beınekameralar bar. Ol kameralar táýlik boıy isteıdi. Táýlik boıy kúzet qyzmeti bar. Sondyqtan ondaı oqıǵa bolýy múmkin emes.",- dedi.

22 jastaǵy tálimger elordalyq ýnıversıtetterdiń birinde oqıdy eken. Ony birden lagerdegi jumysynan shyǵaryp jiberipti. Qazir tergelip jatyr.

Jasulan Dáýlembaev, Almaty aýdanynyń prokýrory:

"Qylmystyq is jas balalardy azǵyndyq jolǵa túsirý boıynsha, ıaǵnı Qylmystyq kodekstiń 124-baby boıynsha qozǵaldy. Qazir istiń mán-jaıy anyqtalýda.",- dedi.

Qazir bul oqıǵaǵa baılanysty tártip saqshylarynyń tergeýinen bólek, oblystyq bilim basqarmasy komıssııa qurǵan. Ondaǵylar lagerdegi tárbıeshiler men tálimgerlerdiń biliktiligin de tekseretin bolady. Al «Aqbóbek» lageri jumys istep tur. Ondaǵylar kezekti maýsymdy ashýǵa daıyndyq ústinde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir