Qazaqstanda qaı aımaqtyń turǵyndary kóp ajyrasady?

Ajyrasý derekteriniń 27,1 paıyzy 5-9 jyl nekede bolǵandar arasynda baıqalyp otyr. Nekeleri 2-4 jyldy quraǵan jas jubaılar arasyndaǵy ajyrasýshylardyń úlesi 23,5 paıyz. Bir jyl birge turǵandar arasyndaǵy ajyrasý deregi 7,5%, bir jylǵa deıingiler arasyndaǵy kórsetkish 5,3 paıyzǵa teń. On jyl otasyp ajyrasqandar da az emes. Olardyń úles salmaǵy 36,6 paıyzdy quraǵan.

Eń kóp ajyrasý derekteri soltústik aımaqtar – Qostanaı, Soltústik Qazaqstan, Aqmola jáne Pavlodar oblystaryna tıesili. Shańyraqtyń shaıqalý faktileri qazaǵy basym Atyraý, Mańǵystaý, Qyzylorda, Túrkistan oblystarynda az ushyrasady.

2018 jyly 137,8 myń jas otaý qurǵan. Bul 2017 jyldan 2,8 paıyzǵa tómen. Tirkelgen nekelerdiń joǵary koeffısenti elordada baıqalýda. Onda myń adamǵa shaqqanda 10 neke tirkelgen. Úılený derekteriniń tómengi kórsetkishi Aqmola oblysynda kórinis tabýda: 1000 adamǵa shaqqanda 6 neke.