Marǵulan Seısembaı: Ulttyq keńes meniń shartymdy oryndamady

Belgili ınvestor, qoǵam belsendisi Marǵulan Seısembaı Qazaqstan prezıdenti Qasym-Jomart Toqaev bekitken Ulttyq qoǵamdyq senim keńesiniń tiziminde ne sebepti joq ekenin aıtty dep jazady Qamshy.kz aqparat agenttigi. Bul týraly Seısembaı óziniń Facebook paraqshasynda jazdy.

Marǵulan Seısembaıdyń jazýynsha, keńesti qurýshylar onyń qoıǵan sharttaryn oryndamaǵan. 

"Olar meniń shartymdy oryndamady. Men olarǵa saıası tutqyndardy bosatyńdar, sonda Keńeske kirem dep shart qoıǵanmyn. Bul shartty oryndamaı, Keńeste isteý - amoraldy", - dep jazdy Seısembaı óziniń jazbasynda. 

Qazaqstanda 9 maýsymda ótken kezekten tys prezıdent saılaýynan keıin jeńiske jetip, el prezıdenti atanǵan Toqaev halyq pen bıliktiń arasynda dıalog ornatýǵa ýáde berip, Ulttyq qoǵamdyq senim keńesin qurýǵa tapsyrma bergen. Onyń keńesshileri men joǵary bılik ókilderi Marǵulan Seısembaı, Arman Shoraev, Muhtar Taıjan jáne t.b. qoǵam belsendilerin shaqyryp, Aqordada jeke-jeke qabyldady. Seısembaı sol kezde de Ulttyq qoǵamdyq senim keńesin qurýshylar óziniń qoıǵan shartyn oryndasa, keńes múshesi bolatynyn aıtqan. 

Búgin, ıaǵnı, maýsymnyń 17-de prezıdent Toqaev  Ulttyq qoǵamdyq senim keńesiniń erjesi men quramyn bekitý týraly qaýlyǵa qol qoıǵan.

Keńes quramyna qoǵam qaıratkerleri, saıasattanýshylar, jýrnalıster, depýtattar jáne belsendiler (barlyǵy 44 adam) múshe boldy.