Atyraýda ınnovasııalyq ıdeıalar festıvali ótti

Innovasııalyq ıdeıalar festıvaline elimizdiń 7 óńirinen 500-den astam qatysýshy qatysty dep xabarlaıdy Qamshy.kz aqparat agenttigi Atyraý oblysynyń О́ńirlik kommýnıkasııalar qyzmetine silteme jasap.

Atalmysh festıvaldi oblys ákiminiń orynbasary Álibek Náýtıev ashty. О́z sózinde oblys ákiminiń orynbasary jastarǵa tyń ıdeıalardy júzege asyrýda qashanda qoldaıtyndyǵyn jetkizdi.

"О́zderińizge belgili elimiz sıfrlandyrýǵa, ınnovasııalyq ekonomıkalyq damýǵa keńinen aıaq basty. Búgin oblysymyzda bolyp jatyrǵan festıval osynyń dáleli. Elbasy 2019 jyldy "Jastar jyly" dep belgilegen bolatyn. Osyǵan oraı oblysymyzda jastarǵa arnalǵan kóptegen jobalar, sharalar júzege asýda. Biz óz tarapymyzdan jastardyń bastamalaryn qoldaýǵa qashanda ázirmiz",- deıdi Álibek Náýtıev.

Eki kúnde U:hack qatysýshylary toptarǵa bólinip, tyń ıdeıalardy júzege asyrdy. Ideıalaryn ádilqazylar alqasyna usynyp, qorǵaýlary kerek. Joba IT,kontent jáne medıa,kıno jáne vıdeo,kásipkerlik syndy 4 seksııa boıynsha ótkizildi.

Aıta keteıik, U:hack Atyrau festıvaliniń júlde qory 2 mıllıon teńgeni quraıdy. Ár seksııa boıynsha: 1 oryn - 250 myń teńge, 2 oryn- 150 myń teńge, 3 orynǵa - 100 myń teńge.

"IT" seksııasy boıynsha, 1-shi oryn - "TEREN OI", 2-shi oryn - "City of future" jáne 3-shi oryn - "VuRT" komandalary enshilendi.

"Kontent jáne medıa" seksııasy boıynsha, 1 oryn - "Vremıa to study" komandasy, 2 oryn - "Oilike" komandasy, 3 oryn -"Animo" komandasy.

Kásipkerlik baǵyty boıynsha, 1 oryn - "Bıobatonchıkı"komandasy,2 oryn - "Orıentýr" komandasy jáne 3 oryn - "StudentHub" komandasy.

"Kıno jáne Vıdeo" baǵyty boıynsha, 1oryn - "Samigolla production" komandasy, 2 oryn - "Dıkıı West" komandasy, 3 oryn - "NIS" komandasy enshilendi.