Shymkent turǵyny uıaly telefonnan kóz jumdy

Shymkent turǵyny uıaly telefonyn toktan ajyratamyn dep kóz jumdy dep habarlaıdy Qamshy.kz aqparat agenttigi Zakon.kz saıtyna silteme jasap.

Bul týraly Shymkent qalalyq Tótenshe jaǵdaılar departamenti habarlady.

"1996 jyly týǵan shymkenttik er adam uıaly telefonyn elektr qýatynan ajyratý kezinde tok soǵyp, oqys oqıǵa ornynda qaıtys boldy", – delinedi qalalyq Tótenshe jaǵdaılar departamentiniń habarlamasynda.

2018 jyly Shymkentte osyndaı jaǵdaımen tórt adam kóz jumǵan, onyń ekeýi - 14 jáne 9 jastaǵy balalar.

Shymkent qalasyndaǵy Tótenshe jaǵdaılar departamenti, telefon qýattaǵyshyn toqqa qoıǵanda abaı bolýdy eskertedi.

"Kóbine ımmýnıteti álsiz, tersheń adamdar tok soqqanda birden til tartpaı ketedi. Adamdy toq urǵan ýaqytta oǵan kómektesemin dep jalań qolmen bas salmaý kerek, toq ótpeıtin qurǵaq matamen ustaǵan jón" delinedi tótenshelikterdiń keńesinde.