• USD 389.52
  • EUR 429.21
  • RUB 6.07
  • CNY 54.94
21 Qazan, 09:01:12
Nazarbaev: "Nur Otan" halyqty mazalaıtyn máselelerge aralaspaıdy

10 Shilde, 2019 NEWS

«NUR OTAN» partııasy Mańǵystaý oblystyq fılıalynyń kezekten tys HHHI konferensııasy ótti

Kezekten tys konferensııaǵa 245 delegat saılandy. Al kún tártibinde úsh másele qaraldy. Atap aıtqanda «Nur Otan» partııasy Mańǵystaý oblystyq fılıalynyń tóraǵasyn saılaý, «Nur Otan» partııasy Mańǵystaý oblystyq fılıaly Saıası keńesiniń quramyna ózgerister engizý jáne partııa aldyndaǵy mindetter.

«Yessenov University»-de ótken konferensııa jumysyna «Nur Otan» partııasy tóraǵasynyń birinshi orynbasary Baýyrjan Baıbek, Mańǵystaý oblysynyń ákimi Serikbaı Trumov, «Nur Otan» partııasy Mańǵystaý oblystyq fılıaly tóraǵasynyń birinshi orynbasary Elýbaı Ábilov, oblystyq máslıhattaǵy depýtattyq fraksııanyń músheleri, partııa belsendileri, BAQ ókilderi qatysty.

Basqosýda sóz alǵan «Nur Otan» partııasy Tóraǵasynyń Birinshi orynbasary Baýyrjan Baıbek Partııa Tóraǵasy, Elimizdiń Tuńǵysh Prezıdenti Nursultan Nazarbaevtyń bergen birqatar tapsyrmalarynyń oryndalysyna basa nazar aýdarý qajettigin aıtyp, partııanyń bastamasymen júzege asyrylyp jatqan jobalardyń ýaqtyly ári sapaly oryndalýyna basa mán berýge shaqyrdy. Halyqtyń muń-muqtajyna qulaq túrý, kem-ketikterdi tolyqtyrý qajet. Baýyrjan Baıbek osy máselelerge basa nazar aýdarý kerektigin aıtty.

Sebebi, turǵyndardyń áleýmettik-saıası ómirindegi partııanyń róli erekshe. Osyny umytpaý kerek. Eldiń áleýetin arttyratyn
bastamalardy da aıaqsyz qaldyrmaýdy tapsyrdy. Ásirese "Baqytty otbasy", "Qutty meken", "Halyqqa kómek", "Aýyl-el besigi" syndy 20 jobanyń jumysyn jandandyrý shart, dedi ol.

Sonymen qatar, konferensııa barysynda «Nur Otan» partııasy Mańǵystaý oblystyq fılıalynyń jańa tóraǵasy bolyp oblys ákimi Serikbaı Trumov saılandy. Al tóraǵa kýáligin Serikbaı О́telgenulyna Baýyrjan Baıbektyń ózi tapsyrdy. Sondaı-aq, partııanyń Mańǵystaý oblystyq fılıaly Saıası keńesiniń quramyna ózgerister engizildi.

Otyrysta Baýyrjan Baıbek qoǵamdyq dıalog qamtamasyz etý kerektigin aıtyp, arystyqtarǵa kómek qolyn sozǵan Mańǵystaý halqyna rızashylyǵyn bildirdi. Partııanyń jumysy eldiń máselesi, dedi ol. Sodan soń, qurylysy júrip jatqan onkologııalyq ortalyqtyń jumysyn tanysty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir