Búgin kún tutylady: Astronomııalyq qubylystyń qandaı áseri bar?

Búgin túnde sırek astronomııalyq qubylys - Kúnniń tutylýy bolady dep habarlaıdy Qamshy.kz aqparat agenttigi. 

О́kinishke qaraı, qazaqstandyqtar Kúnniń tutylýyn tamashalaı almaıdy, biraq onlaın-translıasııa arqyly kórý múmkindikteri  bar.

Kún tutylý 4,5 mınýtqa sozylady. Tolyq fazanyń uzaqtyǵy – 33 sekýnd. Kún tutylýdyń eń jaqsy kórinetin kezeńi Máskeý ýaqyty boıynsha saǵat 22:23-te. al Qazaqstanda 3 shilde túngi 01:24-te Kún tolyǵymen tutylady. Aıta ketsek, bul sırek kezdesetin qubylys. 

Qubylysty Chılı men Argentına elderiniń turǵyndary ǵana tamashalaı alady eken. Tynyq muhıty jaqta bastalatyn tutylý Chılı men Argentına turǵyndaryna baıqalady. Ekvador, Brazılııa, Ýrýgvaı jáne Paragvaıda, sandaı-aq, Tynyq muhıtynyń keıbir aralynda jartylaı kórinedi.

Álbette Kúnniń tutylýy keıbir adamdardyń psıhologııalyq jaǵdaıyna áser etpeı qoımaıdy. Bul kúni basyńyz aýyryp, mazańyz qashýy múmkin. Adamdardyń boıyn úreı bıleıdi, kúmánshil bolyp, tynyshsyzdana bastaıdy. Tez ashýlanǵysh, aınalasyndaǵylarǵa ókpelegish keledi. 

Dál osyndaı astronomııalyq qubylys kezinde adamdar arasynda óz-ózine qol jumsaý oqıǵalary artatyny anyqtalǵan.