Jezókshelerdiń sońyna "sham alyp túsken" Saǵyntaev buıryǵynyń nátıjesi

О́tken túnde Almaty qalasyndaǵy Seıfýllın dańǵylynyń boıynda azamattarǵa ıntımdik qyzmet kórsetetin qyzdardy quryqtaý operasııalary júrgizilip, jezóksheler oshaǵy anyqtaldy dep jazady Qamshy.kz aqparat agenttigi Zakon.kz saıtyna silteme jasap.

Reıd shaharǵa jańadan kelgen ákim Baqytjan Saǵyntaevtyń buıryǵymen júzege asty. Atalǵan operasııany júzege asyrý úshin polısııa qyzmetkerlerimen birge SOBR jaýyngerleri de jumys jasady.

"Bir tún ishinde Seıfýllın dańǵylynyń boıynan 130 adam ustaldy. Olardyń ishinde ıntımdik qyzmet kórsetetin 53 áıel, páterlerdi jalǵa beretin 13 adam, jeńil júristi qyzdardy tasymaldaıtyn bes júrgizýshi quryqtalǵan. 58 quqyq buzýshy ákimshilik jaýapkershilikke tartylǵan. Olardyń 28-i sanaly túrde jezókshelikpen aınalysqandar, beseýi usaq buzaqylyqqa barǵandar, 11-i qoǵamdyq orynda alkagol ónimin tutynǵany úshin, 19 adam qalanyń tazalyǵyn lastaǵany úshin, toǵyzy QR kóshi-qon zańnamasyn buzǵany úshin ustaldy", - dep málimdedi Almaty qalalyq Polısııa departamentiniń basshysynyń orynbasary, polkovnık Izbasar Bekýtrov.

Budan bólek, reıd barysynda jeńil júristi qyzdardyń ıntımdik qyzmet kórsetýine jaǵdaı jasaǵan qonaq úıler de tizimge alyndy. Olardyń ıeleri jaýapkershilikke tartyldy. Bir túnde salynǵan aıyppuldardyń jalpy kólemi – 315 625 teńge.