• USD 378.65
  • EUR 430.07
  • RUB 6
  • CNY 55.1
21 Tamyz, 09:28:49
Alpınısterdiń naqty qaı jerde ekeni áli belgisiz

30 Maýsym, 2019 Atyraý oblysy

Nurlan Noǵaev : Áleýmettik jelilerdegi saýaldardy ózim oqyp, jaýap beremin

Buqaralyq aqparat quraldary qyzmetkerleri kúni qarsańynda ashylǵan jańa «Atyraý radiosy» radıostýdııasynyń tuńǵysh qonaǵy Atyraý oblysynyń ákimi boldy.
О́ńirdiń memlekettik qurylymdarynyń kóptegen basshylary men mamandary, sondaı-aq, Atyraý oblysynyń ákimi ózi «Atyraý oblysy ákimdigi» Telegram chat-arnasyndaǵy suraq – jaýap arqyly halyqpen tikeleı dıalog júrgizetini belgili. Atalǵan chattyń tanymaldylyǵy ósip keledi.
- Bul sharalar bılik organdarynyń halyqpen tyǵyz baılanysyn, bıliktiń qyzmetiniń ashyqtyǵyn qamtamasyz etýdi, bılik pen halyqtyń dıalogyn tereńdetip, keńeıtýdi kózdeıdi. Memleket basshysynyń tapsyrmasy da bar bul jóninde. Qazirgi tańda telegram- chatta belsendi jumys istep jatyrmyz. Chatta tirkelgen azamattardyń sany kún sanap ósip keledi – búginge 8,5 myńnan astam adam jazylǵan. Budan bólek, «Atyraý Sıfrlyq Qabyldaý» qosymshasynda 4,5 myńǵa jýyq adam tirkelgen. Bul bizdiń qyzmetimizdiń ashyqtyǵyna, der kezinde sheshim qabyldaýǵa, obektıvti aqparat alýǵa yqpal etedi. Men ózimniń atymnan Nurlan Noǵaev degen nıkpen tirkelgenmin, ózim paıdalanýshy bolyp tabylamyn. «Noǵaev shynynda ózi kirip, qaraı ma?» degen kúmán týyndaýy múmkin. Aıta keteıin, chatta ózim jumys jasaımyn. Kómekshim de, keńesshiler de, basqa da adamdar chatqa meniń atymnan shyqpaıdy. Sebebi, meniń jeke ózime joldanǵan suraqtar bolady – óte ózekti, túrli salalar boıynsha. Bilim berý , medısınalyq qyzmet kórsetý sapasy, ınfraqurylymnyń damýy, basqa da – jalpy eldiń damýy boıynsha da, Atyraýdyń eldi mekenderiniń damýy boıynsha da tolǵandyratyn saýaldaryn qoıady. Qazirgi tańda osyndaı telegram-chattardy árbir aýdanda da ashtyq. Iаǵnı, oblys ákimdiginiń chaty jáne aýdandarda 7 chat bar. Bunyń nátıjesi de bar. Tıimdiligi – biz obektıvti aqparatty jedel alyp otyramyz. Bunyń paıdasy kóp. Jasyratyny joq, aqparat alý keıde kúrdelenip ketedi - kúni boıy, bir jeti boıy júredi, keıde tipti jetpeı qalyp jatady. О́zderińizge málim, kóp jaǵdaıda chattyń arqasynda qaı jerde problemalyq máseleler týyndaǵanyn bilip, qandaı sheshim qabyldaý qajettigin aıqyndaımyz. Árıne, buǵan ýaqyt kerek. Tipti, 8,5 myń adamnyń úshten biri ǵana bir mezgilde suraqtaryn jazsa – bul óte kóp. Soǵan qaramastan, ýaqyt taýyp, barlyq saýalǵa jaýap berýge tyrysamyz. Qazir bul júıelendi – áriptesterim, basqarma basshylary, jaýapty qyzmetkerler buǵan daǵdylandy. Budan halyqqa kórsetiletin qyzmettiń sapasy artty dep esepteımin. О́z basym chatty tańerteń qaraımyn, jumysqa kele jatyp taǵy sholyp ótemin. Jumys kezinde, múmkindigine qaraı 15-20 mınýt bólemin. Baıqaımyn, keshkisin suraqtar kóp bolady. Chatty paıdalanýshylar meniń qaı kezde kiretinimdi biletin sııaqty, sondyqtan menen jeke jaýap alý úshin dál osy mezette saýaldaryn qoıady. Men ózimniń áriptesterime de tolyqtaı senemin, sondyqtan, bir de bir saýal jaýapsyz qalmaıdy, – dedi Nurlan Noǵaev radıostansııa efırinde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir