• USD 378.65
  • EUR 430.07
  • RUB 6
  • CNY 55.1
21 Tamyz, 18:27:21
Bala quqyqtaryn qorǵaý - aldyńǵy orynda

25 Maýsym, 2019 NEWS

Arys apaty kezinde jas kelinshek bosandy

Bilim jáne ǵylym mınıstrliginiń qyzmetkerleri Arystaǵy jarylys kezinde júkti áıeldi bosandyrǵandaryn aıtty

Bilim jáne ǵylym mınıstrliginiń qyzmetkerleri Arystaǵy jarylys kezinde júkti áıeldi bosandyrǵandaryn aıtty dep habarlaıdy Qamshy.kz aqparat agenttigi. 

24 maýsym kúni Arysta Ulttyq birińǵaı testileý boldy. Mınıstrlik ókilderi UBT ótkizý úshin jiberildi. Jarylys bolǵan sátte olar testileý pýnktinde boldy.  

"Jarylys bolǵan ýaqytta ne isterimizdi bilmeı, qasha bastadyq. Qalany bilmegendikten, qaıda bararymyzdy bilmedik. Aıaǵymyz qansyraı júgirdik. Syrtta kólikter balalardy alyp ketip jatty. Biz balalar barsyn dep, kólikke otyrmadyq. Jaıaý júrdik. Bir kezde jas jigit toqtady. Esimi Dosmuhamed. Bizdi 41-aýylǵa deıin jetkizip tastady. Jol boıynda ájelerdi, balalardy aldy", - deıdi BǴM qyzmetkeri Janat Nurjumanova.  

Olar júkti áıeldi kórip, bosanýǵa kómektesken. Balbópe О́tenova men Janat Nurjumanova, Shaıza Doskaeva, Aqjar aýylynda barar jolda júkti áıeldi bosandyrdy.  

"Júkti áıel óte myqty eken. Tańerteń tolǵaǵy bastalyp, Arysqa aýrýhanaǵa barǵan. Alaıda jarylys bolyp, ol jerden akýshermen birge qashqan. Birneshe shaqyrymdy jaıaý júrgen. Bizdiń kólik toqtaǵanǵa deıin jaıaý júripti. Júkti áıeldiń shydamy taýysylǵanda birinshi kezdesken úıge toqtadyq. Bári sátti ótti", - dedi Balbópe О́tenova 

Aıtýynsha, sábı úlken bolǵandyqtan bosaný qıyn boldy.  

"Boıjetken qýanyshtan balasynyń esimin kólik júrgizýshisiniń qurmetine qoımaq edi. О́mirgekelgen sábı qyz bala boldy. Sondyqtan júrgizýshiniń anasynyń esimimen Kamıla dep qoıdy", - deıdi ol. 

Bosanǵan áıeldiń esimi Kenje. 1996 jyly týǵan qyz. Bul onyń ekinshi balasy eken. Mınıstrlik qyzmetkerleri áıeldiń kúıeýine áke bolǵanyn habarlap, ózderi ári qaraı ketti. Qazir qyzmetkerler Nur-Sultanǵa qaıtýda. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir