17 Maýsym, 2019 Mańǵystaý oblysy
Kez kelgen memlekettiń ekonomıkasynyń negizin shaǵyn jáne orta bıznes quraıdy.
Sondyqtan jańaózendikterdiń arasynda kásipkerlikpen aınalysamyn deýshilerdiń qatary jyldan-jylǵa kóbeıýde, sebebi bıznesti júrgizý úshin túrli ákimshilik kedergiler qysqarýda, kásipkerlerdiń belsendiligin yntalandyrý úshin salyqtyq jeńildikter zańdy turǵyda qarastyrylǵan, kásipkerlikti qoldaýǵa baǵyttalǵan birqatar memlekettik baǵdarlamalar qoldanysqa engizildi, ıaǵnı bir sózben aıtqanda jeke kásipkerler memleket tarapynan qoldaýdy sezinýde. 
Osy oraıda, Mańǵystaý oblysynda orta jáne shaǵyn bıznesti qoldaý maqsatynda qolǵa alynǵan «Nur Kapıtal» jobasy óte jaqsy bastama dep aıtýǵa bolady.
Sebebi «Nur Kapıtal» jobasy arqyly júzdegen jańa jumys oryndary qurylyp, óńir ekonomıkasyna jańa serpinis beriledi. 
Búgin, Jańaózen qalasynda jeke kásipker Saryeva Sáýle Saǵynqyzynyń bastamasymen «Adai Fight club» sport klýby halyqtyń ıgiligine tapsyryldy.
Sport klýby zamanaýı sporttyq quraldarmen jabdyqtalyp, aralas jekpe-jek sport túrlerimen aınalysamyn deýshilerge barlyq jaǵdaı jasalǵan. Jospar boıynsha túrli jas shamasyndaǵy balalardan bastap eresek azamattarǵa deıin shamamen 150-ge jýyq adamdy tartý kózdelip otyr. Eresekter úshin fıtnes ortalyq qurylǵan. Osy jobany iske asyrýǵa barlyǵy 7,0 mln.teńge bólingen. Klýbtyń ashylyýyna áskerı sambodan álemniń 3-dúrkin chempıony Arman Ospanov qatysty. 
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir