«Bolashaqqa baǵdar» kerýeni kósh túzedi

Elbasy aǵymdaǵy jylǵa «Jastar jyly» dep aıdar taqqaly óńir-óńirlerde aýqymdy ister qolǵa alynýda. Bul baǵytta Jambylda da júıesin tapqan jumystar jeterlik. Onyń bir anyq dáleli retinde «Bolashaqqa baǵdar» kóshpeli avtokerýeniniń jolǵa shyqqanyn aıtýǵa bolady. Bul aımaqtyq  jastar saıasatyn júrgizýdegi el esinde qalar eleýli is bolǵaly tur.

Jalpy oblys ákimdigi jastar saıasaty máseleleri baqarmasynyń basshysy Mádı Mátenniń sózine súıensek, «Bolashaqqa baǵdar»  jobasy aıasynda  oblystyń árbir aýyl, eldi mekenderindegi 14-29 jas aralyǵyndaǵy jumyssyz, múmkindigi shekteýli, jeke kásibin ashatyn nemese kásibin damytýshylar, áleýmettik jáne quqyqtyq kómek qajet etetinder, joǵary jáne arnaýly orta oqý ornyn bitirgen stýdentter jáne mektep túlekteri qamtylmaq eken.  

Sondaı-aq, olarǵa qatysty máselelerdi jergilikti jerlerde keń aýqymdy túsindirý jáne naqty nátıjege baǵyttalǵan máselelerin sheshý jumystaryn júrgizý, oblys turǵyndarynyń sybaılas jemqorlyqqa qarsy minez-qulyq úlgisin odan ári damytý men jemqorlyq máselesin memlekettik qyzmet kórsetý sapasyn arttyrý arqyly sheshý joldaryn uǵyndyrý men  memlekettik organdar qyzmetiniń ashyqtyǵyn aıqyndaýǵa basymdyq berilmek.

- Kerýen ár aýdanda 2 kúnnen astam ýaqyt bolyp, jalpy 44 eldi  mekende jumys júrgizedi. Alań jumysyna 300-ge jýyq  aýyl  jastaryn qamtý kózdelýde. Top quramyndaǵy salalyq mekeme ókilderi tek keńes berýmen shektelmeı, kóterilgen máselelerdi naqty sheshýge umtyla otyryp, óz salasy boıynsha sol aýdandaǵy jastar ahýalyna taldaý jasaıdy. Al Din isteri basqarmasy óz tarapynan ata-analardyń, ustazdardyń, jastardyń qatysýymen arnaıy kezdesýler uıymdastyrsa, jumyspen qamtý basqarmasy aýdan ákimderimen birlesip, bos jumys oryndary jármeńkesin

ótkizedi.

Probasııa qyzmeti ár aýdanda jergilikti sala ókilderimen birge  probasııa esebinde turǵan jastarmen júzdesip,  memlekettik qoldaýlar, eńbekpen qamtý sııaqty máseleler boıynsha túsindir jumystaryn júrgizedi, - deıdi Mádı Máten.

Iá, sóz joq, bul bas barmaqpen baǵalaýǵa turarlyq bastama. Sebebi joǵaryda aıtylǵan jastar jumyssyzdyǵy, jas kásipkerlerge memlekettik qoldaý kórsetý, probasııa men jastar qylmysy syndy máseleler búginde óz ózektiligin joımaýda. Sondyqtan jastar basqarmasynyń muryndyq bolýymen jandanyp otyrǵan jobaǵa óńirdiń barlyq jastary men jergilikti bılik qoldaý bildirgeni abzal.

Aıta keteıik, atalmysh joba ústimizdegi jyldyń mamyr-maýsym aılarynda óz jumysyn bastap, barlyq aýdandardy qamtyp shyǵady.

Endeshe, «Bolashaqqa baǵdar» salǵan jobany aýyldaǵy aǵaıyn asyǵa kút! 

Jaıdar Azamat