31 Mamyr, 2019 Oqıǵalar
Mańǵystaý oblysynda 12 jastaǵy balanyń ústine fýtbol qaqpasy qulap ketti
Ájesiniń aıtýynsha, bala fýtbol alańynda oınap júrgen ýaqytta onyń ústine qaqpa qulaǵan.
Mańǵystaý oblysynda 12 jastaǵy balanyń ústine fýtbol qaqpasy qulap ketti. Balaǵa dereý ota jasaldy dep habarlaıdy Qamshy.kz aqparat agenttigi tengrinews.kz saıtyna silteme jasap.
Oqıǵa 29 mamyrda Jetibaıda bolǵan. Shamamen 19:00-de Qaraqııa aýdanyna qarasty Jetibaı aýylynyń 2007 jylǵy turǵyny aýyr jaraqatpen dereý Mańǵystaý oblystyq balalar aýrýhanasynyń qabyldaý bólimine jetkizildi. Balanyń bas súıeginiń negizgi bóligi synyp ketken jáne ol travmatıkalyq shok alǵan.
Ájesiniń aıtýynsha, bala fýtbol alańynda oınap júrgen ýaqytta onyń ústine qaqpa qulaǵan.
"Dáriger neırohırýrgtar balany qarap shyqqan soń, basyna dereý ota jasady: olar isikti alyp tastap, bas súıegin tesip operasııa jasady. Ota shamamen bir jarym saǵatqa sozyldy. Qazirgi jaǵdaıda balanyń jaǵdaıy turaqtaldy", - dedi Mańǵystaý oblystyq densaýlyq saqtaý basqarmasy baspasóz qyzmetiniń ókilderi.
Usynǵan: Maqpal Sembaı
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir