Qytaıdaǵy qandasymyz ashtyqtan álem rekordyn ornatpaq (vıdeo)

Qytaıdaǵy qandasymyz tamaq jemeı, tek sýdy qorek etip 5000 sharshy shaqyrymdy jaıaý júrip ótý úshin jolǵa shyǵypty dep habarlaıdy Qamshy.kz aqparat agenttigi.

Bul týraly Erlan Tóleýbaı feısbýk paraqshasynda jazdy. 

Jazbaǵa súıensek, Qytaıdyń Ile Qazaq avtonomııaly oblysy, Qorǵas aýdany, Tunyq sý qalashyǵy, Shıchıazy qystaǵynda 1980 jyly dúnıege kelgen Serik Zeıneluly esimdi qandasymyz bıylǵy jyldyń 31 naýryzynan bastap tek sýdy qorek etip, tamaq ishpegen. Sóıtip, tamaq ishpeı 39 kún óz-ózine synaq jasaǵan. 39 kún boıy Shıhýyń taýlaryna shyǵyp, ártúrli jattyǵýlar jasap, denesin shynyqtyrǵan.

Eki aı boıy ózin fızıkalyq, rýhanı turǵyda daıyndaǵan Serik mamyr aıynyń altysynan bastap "ashtyqtan dúnıejúzilik rekord jasaımyn" dep jarııalaǵan. Sóıtip, Tarbaǵataı aımaǵy Shıhý qalasynan týǵan-týys, úlkenderdiń aq batasyn alyp, shyǵystaǵy Shańhaıǵa qaraı bet alǵan.

Mamyr aıynyń 8 kúni Shıhýdan attanyp 18 kún jol júrip, mamyrdyń 25 kúni Shıhýdan qazirgi Morı qazaq avtonomııaly aýdany Shoqpartas qalashyǵyna deıin 700 sharshy shaqyrym joldy jaıaý júrip ótken.

Tamaq jemeı, tek sýdy qorek etip júrgenine alpys kúndeı bolǵan Serik Zeıneluly kózdegen mejesi Shanhaıǵa deıin áli shamamen  4000 sharshy shaqyrym jol bar.

Mundaı saparǵa attanǵanynyń eki sebebin aıtyp ótken. "Birinshiden, adamzat tarıhynda bolmaǵan rekord jasaǵym keledi, ekinshiden, Abaı atam aıtpaqshy, "myqty bolsań, ózińdi jeń" degen sózdi uran etip, ózimdi jeńý úshin de osy saparǵa attandym" - deıdi Serik Zeıneluly.

Usynǵan: Maqpal Sembaı