Shymkentte kólik júrgizýshisi alty balany qaǵyp ketti

Shymkentte Opel Kadett markaly kólik tizgindegen júrgizýshi 6 balany qaǵyp ketti dep habarlaıdy Qamshy.kz aqparat agenttigi qalalyq polısııa departamenttiniń baspasóz qyzmetine silteme jasap.

О́kiletti organ ókilderiniń habarlaýynsha, jol apaty 27-mamyr kúni saǵat 15:30 shamasynda avtoturaqtardyń birinde oryn alǵan. Zardap shekkenderdiń bireýi qalalyq aýrýhananyń jan saqtaý bólimine jetkizilgen, jeńil jaraqat alǵan 5 bala úılerine qaıtaryldy.

Qazirgi ýaqytta, atalmysh oqıǵa baılanysty Qazaqstan Respýblıkasy Qylmystyq kodeksiniń 345-babynyń 2-bóligine sáıkes "Kólik quraldaryn paıdalanatyn tulǵalardyń joldyń nemese kólik quraldarynyń jumys isteý erejelerin buzýy" faktisi boıynsha sotqa deıingi tergeý jumystary bastaldy.

Aýdarǵan: Dáýren Sybanbaı