• USD 378.65
  • EUR 430.07
  • RUB 6
  • CNY 55.1
25 Tamyz, 07:22:44
Qoryqshylardyń materıaldyq-tehnıkalyq bazasy kúsheıtiledi

26 Mamyr, 2019 NEWS

Bóbektiń ómirin jalmaǵan batýt apaty (vıdeo)

Tótenshe jaǵdaılar komıteti saıabaqtarda attraksıondardy ornatýǵa ruqsatty aımaq ákimshiligi beretinin málimdedi.

Qaraǵandynyń ortalyq saıabaǵynda balalar oınap jatqan batýtty jel ushyryp ketti. Keleńsiz oqıǵa nátıjesinde bir bala qaıtys bolyp, eki bala aýyr jaraqat alǵan dep habarlaıdy Qamshy.kz aqparat agenttigi Tengrinews.kz saıtyna silteme jasap. 

"25-mamyr kúni Qaraǵandy qalasynyń ortalyq saıabaǵyndaǵy batýt qolaısyz aýa-raı áserinen aýdarylyp ketti. Nátıjesinde 11 jastaǵy bala oqıǵa orynynda aýyr jaraqat saldarynan qaza tapty. Taǵy da eki bala túrli jaraqat alyp, aýrýhanaǵa jetkizilgen", - dep málimdedi oblystyq polısııa departamenti.

Tótenshe jaǵdaılar komıtetiniń málimetinshe, ómirden ótken bala 2007 jyly týǵan. Atalǵan oqıǵa boıynsha QR QK 306-babynyń 3-tarmaǵyna sáıkes, "Qaýipsizdik sharalaryn saqtamaı qyzmet kórsetý arqyly adam ólimine sebep bolý" aıybymen is qozǵaldy.

Qajetti saraptamalar taǵaıyndalǵan. Tótenshe jaǵdaılar komıteti saıabaqtarda attraksıondardy ornatýǵa ruqsatty aımaq ákimshiligi beretinin málimdedi.

"Ata-analardan aýa-raıy qolaısyz kúnderi túrli keleńsiz jaǵdaılar oryn almas úshin balalardy kóshedegi batýttarǵa alyp barmaýyn suraımyz" - dedi Tótenshe jaǵdaılar komıtetiniń resmı ókili Nursultan Nurahmetov.

Aýdarǵan: Ádilet Mádenıet

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir