14 Aqpan, 2019 NEWS
Úsh adam qaza tapqan jol apaty: kúdikti sol túni áıelimen urysyp qalǵan
Sot otyrysynda barlyq tarap tyńdalyp, oqıǵanyń mán-jaıy anyqtalýda
Almaty qalasynda ótken jyldyń 29 jeltoqsanynda jantúrshigerlik jol apaty bolyp, úsh adam qaza tapqan bolatn. Búkil eldi eseńgiretken bul oqıǵaǵa Gelendwagen markaly kólik mingen kásipker Ilıas Kar sebepker bolǵan. Ol 120 km/saǵ jyldamdyqpen baǵdarshamnyń qyzyl túsine ótip ketip, Mitsubishi kóligin soǵyp ótken edi. Jantúrshigerlik jol apatynda qaza tapqan aktrısa Sholpan Elgezekova men onyń qurbysy Dınara Hamıtova jáne taksı júrgizýshisiniń týystary apatqa kináli dúngen azamatyn sotqa berip, tergeý jumystary bir aıdan asa ýaqyt júrgizilip, jaqynda onyń soty bastaldy, dep jazady Qamshy.kz aqparat agenttigi.
Sot otyrysynda barlyq tarap tyńdalyp, oqıǵanyń mán-jaıy anyqtalýda. Tilshi Rıshat Asqarbekuly óziniń Facebook paraqshasynda kináli azamattyń sol túni áıelimen janjaldasyp qalǵanyn jazady.
"Búgin sot tergeýinen belgili bolǵan mán-jaıdyń biri tómendegideı.
Olar "Grand Opera" meıramxanasynan shyqqan soń, syrtta 5 adam bolyp, toptasyp áńgimelesip turady. Ilıas Kardyń týysqan inisi áıelimen jáne júrgizýshisimen, sosyn Ilıas óz áıelimen shetkeri shyǵady. Bir ýaqytta bizdiń bas keıipker jubaıymen sózge kelip, ony keýdesinen ıterip jiberip, álgi qarǵys atqyr kólikke minip, quıyndatyp ketip qalady. Onyń bári beınebaqylaý kamerasyna jazylyp qalǵan. "Shabandoz" Qabanbaı batyr-Naýryzbaı batyr kósheleriniń qıylysynan shyǵyp, Abaı-Seıfýllınge deıingi qashyqtyqty 4 mınýtta júrip ótken. Ary qaraıǵy jaǵdaı bárimizge málim...
Bále-jala taban astynda degen osy. Jubaılardyń jáı ǵana kıkiljińniń kesiri qansha adamǵa tıdi deseńizshi. Ilıas ishimdik tatpadym deıdi. Negizi prokýrorlyq aıyptaýda ishkeni aıtylady. Sonda baǵdarshamnyń qyzyl túsine ótýge ne sebep boldy?! Sot erteń saǵat 15:00-de jalǵasady. Onyń áıeli de kýáger retinde suralady.
Sot ádil ótý úshin jábirlenýshilerge qoǵamdyq qoldaý qajet. Olardyń qatary sırek. Tipti Kókshetaýdan qaıtys bolǵan Dınaranyń jaqyndary kele almapty. Al rólde bolǵan oralman jigittiń Qytaıdan kelýi tıis anasy da tóbe kórsetpedi. Tergeý boıynsha týyndaıtyn suraqtardy sot barysynda belsendi talqylap, beıtarap qalmaǵan jón", - deıdi tilshi Rıshat Asqarbekuly.
Usynǵan: Nazerke Labıhan
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir