Bank VTB bıznesmenderge qoldaý kórsetpek

Bank VTB (Qazaqstan) «Astana Bıznes 2» baǵdarlamasy boıynsha kásipkerlerdi qarjylandyrýdy bastaıdy, dep habarlaıdy Qamshy.kz aqparat agenttigi.

Bank Damý Qory jáne Astana ákimdigimen «Astana Bıznes 2» Astana qalasynyń shaǵyn jáne orta kásipkerlik sýbektilerin óńirlik qarjylandyrý baǵdarlamasyna 300 mln teńge soma kóleminde qatysýy týraly kredıttik kelisimge qol qoıdy, onyń 100 mln teńgesi qalalyq ákimdikpen, al 200 mln teńgesi Qormen bólindi.

Osy baǵdarlama aıasynda Bank VTB (Qazaqstan) elordanyń isin jańa bastaǵan jáne isi júrip turǵan bıznesmenderge nomınaldy syıaqy mólsherlemesimen jyldyq 8,5%-ǵa deıin jeńildikti kredıtter beretin bolady.

-Bank VTB (Qazaqstan) «Damý» kásipkerlikti damytý qorymen birlesip ShOB sektoryna eleýli qoldaý kórsetetin kóptegen jobalardy júzege asyrdy, - deıdi Bank VTB (Qazaqstan) Basqarmasynyń Tóraǵasy Dmıtrıı Zabello.

-2017 jyly biz «Astana-bıznes» birinshi baǵdarlamasy aıasynda elordalyq bıznesti
qarjylandyrýǵa bankke bólingen qarajatty tabysty ıgerdik. Jalpy somasy 200 mln. teńgege jeti klıent qarjylandyryldy. Buǵan deıin biz basym salalardy damytýǵa ǵana kredıt bere aldyq, «Astana Bıznes 2» baǵdarlamasy aıasynda mundaı shekteýler joq, - dedi Zabello.

Naryqta úsh jyldan astam jumys isteıtin kásipkerler Bank VTB (Qazaqstan)-nan «Astana bıznes 2» baǵdarlamasy boıynsha eń joǵary somasy 100 mln teńgege deıin; úsh jyldan beri tirkelgen isin jańa bastaǵan bıznesmenderdiń – 50 mln teńgege deıin kredıt alýyna múmkindikteri bolady.

Aıta keteıik, Bank VTB (Qazaqstan) AQ EU – VTB halyqaralyq qarjy tobyna kiredi. Bank 9 jyldan astam ýaqyt Qazaqstannyń qarjy naryǵynda jumys istep keledi. Búgingi tańda Bank VTB (Qazaqstan) AQ EU elimizdiń barlyq óńirlerinde ornalasqan 17 fılıaldan turatyn fılıaldyq jelisi bar. S&P Global Ratings derekteri boıynsha VTB (Qazaqstan) Qazaqstannyń barlyq EDB arasynda eń joǵary kredıttik reıtıngke ıe bolyp otyr. Banktiń Ortalyq keńsesi Almaty qalasynda ornalasqan. 2014 jylǵy 23 jeltoqsandaǵy №1.2.14/39 QR Ulttyq Bankiniń lısenzııasy.