Kóp balaly anaǵa kómektespek bolǵan azamattyń basy bálege qaldy (vıdeo)

Astanadaǵy 5 balanyń óliminen keıin kóp balaly analardyń máselesi qyzý talqylanýda. Qazaqstandaǵy jomart jandar jaǵdaıy tómen otbasylarǵa barynsha kómektesip jatyr. Jaǵdaıy tómen kóp balaly otbasyna kómektesemin degen qaıyrymdy azamatqa 100 myń teńge aıyppul salyndy dep jazady Qamshy.kz aqparat agenttigi. О́skemendik azamat kóp balaly ana Áıgerim Álimjanovaǵa 5 tonna kómir aparmaq bolyp, tańerteń jolǵa shyqqan. Alaıda jolda transporttyq polısııa jolda toqtatyp 100 myń teńge aıyppul salǵan. 

"Tańǵy saǵat 10-da toqtatqannan jol boıynda áli turmyn. Kómektesemin dep bálege qaldym. Transporttyq baqylaý degen bále boldy. 10 myń, 20 myń teńge aqsha suraıdy. Ábden basymdy qatyryp boldy»,  deıdi qaıyrymdylyq jasaýshy azamat. 

"Men kómirdi tasyp berý jóninde ótinish jasaǵan edim. Alaıda ony transporttyq polısııa toqtatyp, aıyppul salǵan. Ol maǵan "jaǵdaıdy túsindirip kór. Meniń kómirim edi dep aıt", dep shaqyryp aldy. Onyń kóligi qys boıy júrmegen. Ol kómir tasymaıtyn kisi. Ony kez kelgen adam dáleldep bere alady. Ol maǵan jaı ǵana kómek kórsetkisi keldi", deıdi kóp balaly ana. 

"О́skemendik kópbalaly ana Áıgerim Álimjanovaǵa kómek kórsetemiz degen azamatqa 100 000 teńge kóleminde aıyppul salyndy. Sebebi, qaýipti zattardy tasymaldaý úshin arnaıy ruqsat qaǵazdar qajet eken. Sonda qatty otyn qaýipti zatqa jata ma?", dep jazdy Qanat Oralbek óziniń feısbýk paraqshasyna. 

Keıin Qanat Oralbek kómirdi Áıgerim Álimjanovanyń úıine jetkizip bergenin aıtty. Al aıyppuldy bas aman bolsa, halyq bolyp tóleımiz deıdi. 

Usynǵan: Ásel Bolatqyzy