5 balasynan aıyrylǵan otbasy suhbat berdi (vıdeo)

Eks-depýtat, tanymal bloger Táńirbergen Berdońǵarov Astanada 5 balasynan aıyrylǵan Sıterler otbasyna bardy dep jazady Qamshy.kz aqparat agenttigi. Olar halyqtyń kókeıinde júrgen birneshe suraqqa jaýap berdi. 

-О́rt bolǵan túni 5 balanyń ákesi qaıda boldy?

-"Men bir kólikti tapsyryspen jóndeýge alǵan edim. Kelisilgen ýaqytqa úlgere almaı jattym. Eki aptaǵa keshiktirgendikten, túnde de jumys isteýge týra keldi. Sebebi tańerteń kólikti ıesine qaıtarýym kerek boldy. Kóliktiń ıesi kelesi kúni tańerteń jolǵa shyǵýy qajet. Al meniń kólik jóndeýmen aınalysyp júrgenime 20 jyldan astam ýaqyt boldy. Arnaıy tapsyryspen kóligin senip tapsyratyn turaqty tutynýshylarym bar", -dedi Evgenıı Sıter. 

Sondaı-aq Sıterler otbasynyń japy somasy 100 myń teńgeni quraıtyn 3 nesıesi bolǵan. 

Aıta ketsek, "Áziret Sultan" meshitiniń bas ımamynyń bastamasymen qaıǵydan qan jutqan otbasyna aqsha jınaldy. Qazaqstandyqtar bul otbasyna kóńil aıta otyryp, 13 mln teńge jınady. Meshit qyzmetkerleri bul qarjyǵa 5 balasynan aıyrylǵan otbasyna úı alyp beretinin málimdegen bolatyn. 

Sıterler otbasy qashan baspanaly bolady?

-Olar bizge kelip "aqshalaı bereıik pe, álde páter satyp alýǵa kómekteseıik pe?" dep surady. Biz páterdi tańdadyq. Sosyn arnaıy satyp alý - satý kelisimshartyna qol qoıdyq. Alladan qaıtady. Keıbir adamdar bizdiń qaıǵymyz arqyly upaı jınap qalýǵa tyrysyp jatyr. Bulaı bolmaý kerek edi. Men kóp balaly analarǵa qarsy eshteńe aıtqym kelmeıdi. Keıbir áıelder bizdiń basymyzdan ótken oqıǵadan keıin mıtıngke shyǵyp jatyr. Al bázbireýler bireýdiń qaıǵysy arqyly óz jaǵdaıyn túzep alýdy kózdep otyr. Bala tabý, jumys isteýge degen nıet... Meniń kelesi balalarymdy da alyp ketpeıtinine kim kepil bola alady?", - deıdi Janymgúl Sıter. 

"Ýaqyt emdeıdi degen bar. Bilmeımin. Budan keıin bizge jeńil bolmaıdy. Ýaqyt bul jarany emdeı almaıdy. Qansha jyl ótse de bul qaıǵynyń emi joq", deıdi Evgenıı Sıter. 

Sondaı-aq Sıterler otbasy kómek kórsetken barsha qazaqstandyqtarǵa alǵys bildirdi. 

"Bizge barlyq jaǵynan kómek kórsetildi. Kórsetilip te jatyr. Sol úshin barsha qazaqstandyqtarǵa raqmetimdi aıtamyn",- dedi 5 balasynan aıyrylǵan áke. 

Usynǵan: Ásel Bolatqyzy