Astana mańyndaǵy aýyldy sý basty

Elorda mańyndaǵy Talapker aýylyn sý basty. Bul týraly Tótenshe jaǵdaılar mınıstrligi habarlady. 

Vedomstvonyń málimdeýinshe, keshe túnde Selınograd jáne Shortandy aýdandarynyń egistikterindegi qar sýy erip,  Talapker aýylyndaǵy sý burý kanaly ýchaskesin sý shaıyp ketken. 

"Qazir TJM qyzmetkerleri kanaldyń buzylǵan tusyn qum salynǵan qaptarmen nyǵaıtyp jatyr. Aýyl turǵyndarynan sabyr saqtap, qutqarýshylardyń nusqaýyn oryndaýdy suraımyz" -  delingen resmı habarlamada.