• USD 468.56

  • EUR 497.56

  • RUB 7.3

  • CNY 67.18

15 Mamyr, 13:24:43
Almaty
+35°

Áıelin óltirdi degen aıyppen sottalyp jatqan eks-mınıstr Qýandyq Bıshimbaevtyń ata-anasy reseılik bloger Natalıa Greıske suhbat berdi.

Bloger óz sózinde Saltanat Núkenovanyń aǵasyn "ápkesiniń ólimin kommersııalyq maqsatta paıdalanyp júr" dep aıyptap, Bıshimbaevtyń ata-anasy kóleńkede qalyp qoıǵanyn aıtady.  

Suhbatta eks-mınıstrdiń anasy Almıra Bıshimbaeva ulyn "ana retinde qolynan kelgenshe qorǵap júrgenin" aıtyp, kózine jas aldy.

"Qýandyq Saltanatty ádeıi óltirdi degenge kelispeımin. Ol Saltanatty qatty jaqsy kóretin, otbasy bolyp ketý úshin baryn jasaıtyn. Qýandyq óte meıirimdi, qamqor adam. Saltanattyń ata-anasyn túsinemin. Mundaı nárseni eshkimge tilemeımin. Ulymdy óte qatty jaqsy kóremin, ulymyzben maqtanamyz. Biraq osyndaı jaǵdaı bolyp qaldy. Nege bulaı bolǵanyn ákesi ekeýimiz de túsine almadyq. Qýandyq bala kúninen ózine jaýapkershilik ala alatyn adam bolatyn. Únemi biz úshin alańdap, qamqorlyq kórsetip júretin" - dep málimdedi. 

Al eks-mınıstrdiń ákesi Ýálıhan Bıshimbaev "otbasy bolǵan soń urys-keris bolatyn, biraq balalaryma da, jubaıyma da qol kótergen emespin. Bul bizdiń otbasymyzǵa jat dúnıe" dedi. Sonymen qatar, ulynyń áreketine qatysty da óz oıyn aıtty. 

"Qýandyq kináli, ol jazalanýy kerek. Biz úshin bul úlken tragedııa. Sebebi Saltanat ta bizdiń otbasymyzdyń múshesi. Oǵan óz qyzymyzdaı qaraıtynbyz" – dep málimdedi Ýálıhan Bıshimbaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir