Mınıstr Qasymov qyzmetinen ketti

Qalmuhambet Nurmuhanuly Qasymov qyzmetinen ketti, dep habarlaıdy Qamshy.kz aqparat agenttigi.

Prezıdent Nursultan Nazarbaevtyń Jarlyǵymen  Ishki ister mınıstri qyzmetin atqarǵan Qalmuhanbet Qasymov Elbasynyń kómekshisi - Qaýipsizdik keńesiniń hatshysy  qyzmetine taǵaıyndaldy. 

«Ol Qazaqstan Respýblıkasynyń Ishki ister mınıstri qyzmetinen bosatylsyn», - delingen Memleket basshysynyń Jarlyǵynda. 

Qasymov Qalmuhanbet Nurmuhanbetuly 1957 jyly Almaty oblysy Ile aýdanynyń Dmıtrıevka aýlynda dúnıege kelgen. Bilimi joǵary, 1979 jyly S.Kırov atyndaǵy Qazaq memlekettik ýnıversıtetiniń zań fakýltetin bitirgen, mamandyǵy - zańger. Polısııa general-polkovnıgi.

1979 jyldan bastap - tergeýshi, aǵa tergeýshi, tergeý bóliminiń bastyǵy, Almaty oblysy IIB Ile aýdandyq ishki ister bólimi bastyǵynyń orynbasary.

1988 jyldan bastap - Almaty oblysy IIB-niń qoǵamdyq qaýipsizdik bólimi bastyǵynyń orynbasary.

1989 jyldan bastap - Almaty oblysy IIB Qapshaǵaı IIB-niń bastyǵy.

1992 jyldan bastap - Almaty oblysy IIB Krımınaldyq mılısııa basqarmasynyń bastyǵy, Almaty oblysy IIB bastyǵynyń birinshi orynbasary.

1997 jyldan bastap - Almaty qalasynyń ishki ister bas basqarmasynyń bastyǵy.

2003 jyldan bastap - Almaty oblysy ishki ister bas basqarmasynyń, Ishki ister departamentiniń bastyǵy.

2005 jyldan bastap - Qazaqstan Respýblıkasynyń Ishki ister mınıstriniń birinshi vıse-mınıstri, vıse-mınıstri.

2009 jyldan bastap - Shyǵys Qazaqstan oblysy Ishki ister departamentiniń bastyǵy.

2011 jyldyń sáýir aıynan bastap qazirgi ýaqytqa deıin - Qazaqstan Respýblıkasynyń Ishki ister mınıstri.

Memlekettik nagradalarmen nagradtalǵan:

II dárejeli «Danq» ordenimen, «Astana» medalimen, «Ulttyq qaýipsizdikti qamtamasyz etýdegi úlesi úshin», «Quqyq tártibin qamtamasyz etýde úzdik shyqqany úshin», «Qazaqstan Konstıtýsııasyna 10 jyl», «Qazaqstan Respýblıkasy ishki ister organdarynyń ardageri», «Qazaqstan Respýblıkasynyń Parlamentine 10 jyl» mereıtoılyq medaldarymen, «IIM-niń eńbek sińirgen qyzmetkeri» tósbelgisimen marapattalǵan.

Usynǵan: Nazerke Labıhan