Qyrǵyzstanda ótken týrnırde «Sagadat Batyr QTT» komandasy úzdik atandy (foto)

Qyrǵyzstanda ótken «Bishkek Open»  halyqaralyq týrnırinde «Sagadat Batyr QTT» komandasynyń sportshylary úzdik nátıje kórsetti dep jazady Qamshy.kz aqparat agenttigi. 

Qyrǵyzstanda ótken «Bishkek Open»  halyqaralyq týrnırinde «Sagadat Batyr QTT» komandasynyń sportshylary úzdik nátıje kórsetti. Qyrǵyzstan Respýblıkasy Bishkek qalasynda IBJJF erejesi boıynsha «GI  jáne     NOGI»   djıý-djıtsý kúresinen  «Bishkek Open»  atty   halyqaralyq  týrnıri ótti. Týrnırge TMD eledirinen,  Qazaqstannan birshama sport komandalary qatysty. Sonyń ishinde  2015 jyly ashylǵan «Sagadat Batyr-QTT» sport klýbynyń  28 sportshysy qatysyp,  úzdik nátıjelerge qol jetkizdi.

Djıý-djıtsýdan álem chempıony Jibek Qulymbetova keshegi ótken jarysta revansh jasady. Aıta keteıik, 2018 jyly Qyrǵyzstan Respýblıkasy Osh qalasynda ótken «Alay Open» týrnırinde Jibek  qyrǵyz balasymen kúresip, chempıon atanǵan bolatyn. Araǵa bir jyl salyp sol qarsylasymen taǵy da betpe- bet keldi.  Qyrǵyz bapkeriniń aıtýynsha,  shákirti revanshqa qyzý daıyndyqpen kelgen kórinedi. Degenmen, bizdiń qaısar qyzymyz namysty qoldan bermedi. 12 jastaǵy qyrǵyz balasyn 32 keli salmaqta   jeńip,   taǵy da chempıon atandy.  

«Sagadat Batyr-QTT» sport klýbynyń sportshylarynyń tájirıbesine   «Bishkek Open»  halyqaralyq týrnıriniń uıymdastyrýshylary, qyrǵyz sportshylary   tańdaı qaqty. «Týrnırdi uıymdastyrmas buryn men Nursultan Orynbasarovpen aqyldasyp, osyndaı halyqaralyq týrnır uıymdastyrsaq qalaı?" dep usynys tastaǵan bolatynmyn. Usynysymdy kóp oılanbastan maquldady. Qazaq sportshylarynyń óte myqty ekendigi búgindi jarystan baıqalyp-aq tur. «Sagadat Batyr-QTT» sport klýbynyń djıtserleri birinen-biri ótken myqtylar eken. Barlyq jeńimpazdardy shyn júrekten quttyqtaımyn» - dep, djıý-djıtsýdan Qyrǵyzstan Respýblıkasy federasııasynyń prezıdenti Samarbek Sabyrjanuly qazaq sportshylaryna sáttilik tiledi.

Atalmysh  halyqaralyq týrnırde «Sagadat Batyr-QTT» sport klýbynyń sportshylary "GI" jáne "NO GI" boıynsha 21 altyn medaldy qanjyǵasyna baılady.  Salımov Taımas, Qulymbetova Jibek, Jamanbaı Bekjan, О́tegenova Zere, Salımova Malıka, Jamanbaı Bekzat, Eldosqyzy Botagóz, Jumadil Eljan, Qaıyrbekov Rústem,  Jamanbaı Bekjan, Serikjan Eraly, Rasýlov Zaman, «GI» boıynsha birinshi oryndy ıelendi. Al Aıdynǵalı Elaman, Jamanbaı Bekzat, Jamanbaı Álihan,  Aıtmurat Aıdos, Salımov Ádil,  Kalqojaev JaHanger, Akylbeqov Alan,  Qýanbek Erasyl 2-3-oryndarǵa jaıǵasty. Djıý-djıtsý «NO GI» kúresi boıynsha Qulymbetova Jibek, Madamı Beksultan, Jamanbaı Bekzat, Jamanbaı Bekjan, О́tegenova Zere, Salımova Malıka, Jamanbaı Bekzat, Eldosqyzy Botagóz, Jamanbaı Bekjan ózderiniń naǵyz chempıon ekenderin dáleldep, halyqaralyq týrnırde altyn medal taqty. Sondaı-aq,  kúrestiń bul túrinen  Qanaıbekov Dıas, Úsen Aıbek, Qalqojaev Jahanger, Qaıyrbekov Rústem, Aıtmurat Aıdos, Salımov Ádil, Qalqojaev JaHanger, Aqylbekov Alan, Qýanbek Erasyl kúmis jáne qola medaldarymen qýantty.

-Bul  biz  úshin  úlken  tájirıbe boldy. Týrnır joǵary deńgeıde uıymdastyrylǵan. Qyrǵyz sportshylarynyń daıyndyǵy osal emes eken. Degenmen bizdiń komandanyń djıtserleri basym tústi dep aıta alamyn. Shákirtterimdi jetistikterimen quttyqtaımyn. Alda bolatyn jarystarda budan da bıik jetistikke jetetinderine senimdimin, - deıdi,Nursultan Orynbasarov.

Qazirgi tańda «Sagadat Batyr-QTT» sport klýby  aldaǵy jarystarǵa qyzý daıyndyq ústinde. Sportshylarymyzǵa sáttilik tileımiz.

Usynǵan: Ásel Bolatqyzy