Shymkenttegi jarylystan eki adam aýyr jaraqat aldy

Shymkenttegi jeke turǵyn úıde bolǵan jarylystyń sebebi belgili boldy dep jazady Qamshy.kz aqparat agenttigi. Bul týraly Qazaqstannyń Ishki ister mınıstrliginiń baspasóz hatshysy Almas Sadýbaev habarlady. 

Aıta ketsek, keshe saǵat 11:00-de Zabadam shaǵyn aýdanyndaǵy jeke turǵyn úılerdiń birinde artıllerııalyq snarıad jaryldy. Jarylystan 2 adam zardap shegip, dárigerler 1984 jylǵy er adamnyń sol qoly men aıaǵyn kesýge májbúr boldy. Onyń qazirgi jaǵdaıy aýyr. Al 1998 jylǵy zardap shegýshiniń sol aıaǵy synǵan. 

Almas Sadýbaevtyń aıtýynsha, zardap shegýshilerdiń biri snarıadtardy bólshektep, temir retinde ótkizbek bolǵan. 

Jedel izdestirý toby oqıǵa ornynan taǵy da birneshe oq-dári tapqan. Oqıǵaǵa baılanysty Qylmystyq kodekstiń 287-babymen is qozǵaldy. Sotaldy tergep-tekserý jumystary bastaldy.

Turǵyndardyń aıtýynsha, jarylys bolǵan úıde jas otbasy úsh balasymen birge turady. Tańerteń áıeli jumysqa, eki bala balabaqshaǵa, bireýi mektepte ketken.

Usynǵan: Ásel Bolatqyzy