Almaty turǵyndary úıdegi peshterdiń órt qaýipsizdigine alańdaıdy

Qazaqstan Respýblıkasynyń árbir azamaty úıdegi órt qaýipsizdigin jete sezinýi tıis. Degenmen, ony bilý – bir bólek te, al túsiný – múldem basqasha, dep habarlaıdy Qamshy.kz aqparat agenttigi.

О́kinishke qaraı, órt qaýipsizdigine jaýapsyz qaraý, elektr jabdyqtary men peshterdi paıdalaný erejelerin buzý qalada kún saıyn oryn alatyn apattardyń negizgi sebepteri bolyp qala beredi.

Jylytý maýsymynyń bastalýyna deıin bir aı buryn Almaty qalasy Tótenshe jaǵdaılar departamentiniń jeke quramy aýmaqtaǵy barlyq úılerdi tolyqtaı aralap shyqqan edi. Al jylytý maýsymy aıasynda departament qyzmetkerleri qala turǵyndarymen apta saıyn kezdesýler ótkizip keledi. Kezdesý barysynda turǵyndardy kóbinese óz úılerindegi peshterdiń órt qaýipsizdigi jaǵdaıy alańdatatyny anyqtaldy.

Jalpy, departament jekemenshik turǵyn sektorynda ornalasqan 145 myńnan astam turǵyn úıdi esepke aldy. Jazataıym oqıǵa bolǵan 20 myńnan astam úıler qaıtadan tekserildi. Úı ıelerine órt qaýipsizdigi erejelerin saqtaý týraly jadynamalar berildi. Sondaı-aq, 8395 adamdy qamtyǵan 486 jınalys ótkizildi.

"Ár úıge qaýipsizdik" naýqany aıasynda Almaty qutqarýshylary peshpen jylytylatyn jekemenshik úılerge kómirqyshqyl gazyn anyqtaıtyn dabyl qurylǵylaryn ornatty. Bul qurylǵylar negizinen áleýmettik jaǵdaıy az qamtylǵan otbasylarǵa jáne qart adamdardyń úılerine qoıyldy.

Ýytty zattardyń ruqsat etilgen konsentrasııasy mólsherinen asyp ketken jaǵdaıda, kómirqyshqyl gazyn anyqtaıtyn dabyl qurylǵysy iske qosylyp, turǵyndarǵa qaýiptilik týraly apattyq-dybystyq sıgnal estiledi. Búgingi tańda mundaı qurylǵylar qala boıynsha 136 jekemenshik úıge ornatyldy.

2019 jyldyń 9 aqpanynda Almaty garnızonynyń jeke quramy JPQ-y, aýdandyq ákimdikter, «Nur Otan» partııasy jáne QR Qyzyl Jarty Aı qoǵamynyń eriktilerimen birlesip, 8 myń 364 turǵyn úıdi tekserip, órt qaýipsizdigi erejelerin saqtaý týraly 10 myńnan astam jadynama tabystaldy.

Almaty qalasynyń Tótenshe jaǵdaılar departamenti qyzmetkerleri tarapynan jekemenshik turǵyn úılerde órttiń aldyn alý sharalaryna qatysty jumystar jylytý maýsymynyń aıaǵyna deıin jalǵasatyn bolady.

Usynǵan: Nazerke Labıhan