Ońtústikte kópbalaly eki otbasy baspanaly boldy

Búginde qoǵamda qaıyrymdylyq jasap, elge qol ushyn sozatyn azamattar kóbeıip keledi. Solardyń biri – Túrkistan oblysy, Qazyǵurt aýdanynyń kásipkeri Syrym Ertaev. «Qaıyp ata» JShS basshysy, «Qazaqstandaǵy 100 jańa esim» jobasyna engen azamat óz qarjysy esebinen kópbalaly 2 otbasyǵa baspana salyp berdi, dep jazady Qamshy.kz aqparat agenttigi.

Jomart júrekti kásipkerge alǵysyn bildirgen eki otbasy búginde jańa baspanalarynda baqytty ǵumyr keship jatyr. Qazaqstanda  et eksportynyń áleýetin kóterip, shetelge et tasymaldap júrgen Syrym Ertaev óz kásibi arqyly kóptegen turǵyndardy jumyspen qamtyp otyr. Osylaısha, ol «Qazaqstandaǵy 100 jańa esim» qataryna shynaıy el patrıoty retinde engenin isimen dáleldedi. Aldaǵy ýaqytta da qaıyrymdylyq sharalaryna atsalysýdy kózdep otyrǵan kásipkerge el dán rıza.

Qazirgi tańda Qazyǵurt aýdanynda qaıyrymdylyq jasaýdan jarys ótip jatyr deýge bolatyndaı. Máselen, jýyrda ǵana elimizdegi 11 mıllıonynshy qazaqtyń otbasyna aýdan ákimdigi jańa páterdiń kiltin tapsyrdy. Muhtar Ábdirahym Qazyǵurt aýdany Qarabaý aýyldyq okrýgi Úshbulaq aýylynda dúnıege kelgen.  Ol Qazaqstanda týǵan 11 mıllıonynshy qazaq bolyp tirkelgen. Muhtardyń ákesi Málik Badambaev aýyl sharýashylyǵymen aınalysady. Anasy Sholpan Kúderbekova – mektepte muǵalim. Úıli bolǵan otbasy el azamattaryna alǵysyn aıtty.

Kúni keshe ǵana Qazyǵurt aýyl okrýginiń turmysy tómen 30 otbasyna depýtattardyń demeýshiligimen azyq-túlik berilip, kómek kórsetildi. Otbasylarǵa oblystyq máslıhat depýtaty N.Ashırov jáne aýdandyq máslıhat depýtattary demeýshilik tanytty. Al, aýdandyq "Jalynda jastar" qoǵamdyq birlestigi oblys jáne aýdan kásipkerleriniń qoldaýymen áleýmettik jaǵdaıy az qamtamasyz etilgen otbasylarǵa úı-jıhazdaryn jáne azyq-túlik alyp bergen. Qaıyrymdylyq is-sharalary aldaǵy ýaqytta da jalǵasyn tappaq.

Usynǵan: Nazerke Labıhan