Azat Perýashev: Ábilqasymova úlken qatelik jasady

Májilis depýtaty Azat Perýashev Astanada bes balanyń ómirin qıǵan joıqyn órt pen oǵan kináliler týraly pikirin bildirdi, dep habarlaıdy Qamshy.kz aqparat agenttigi Sputnik Qazaqstan tilshisi saıtynyń deregin negizge alyp. 

Depýtat kináli adamdy izdeý durys ekenin, mundaı dúnıeni beı-jaı qaldyrýǵa bolmaıtynyn aıtty.

"Astanadaǵy tragedııamen qatar, Qyzylordada úsh bala, eki kúnnen keıin Pavlodarda bútindeı bir otbasy qaza boldy, sodan keıin Shymkenttegi qaıǵyly oqıǵa. Kóptegen mıllıardtaǵan bıýdjeti bar qyzmetter bolsa da, ókinishke qaraı, órt qaýipsizdigi, adamdardyń qaýipsizdigi máselesi bizde ekinshi orynǵa syrǵyp ketip jatyr", dedi Perýashev.

Perýashev árbir mınıstr saıasatker retinde óz sózine jaýap berýi kerektigin atap ótti.

"Árbir sheneýnik óz jumysy úshin jaýapkershilikten bas tartpaýy kerek. Ábilqasymova 16 myń teńge kóp dedi. Menińshe, bul - úlken qatelik. Biraq, bul qateliktiń jýyrdaǵy tragedııaǵa tikeleı qatysy joq...Ol úı bul sózden keıin janyp ketken joq, biz osyny túsinýimiz kerek",  dedi májilismen.

Dese de, depýtat Ábilqasymova mınıstr retinde áleýmettik salaǵa jaýapty ekenin, sondyqtan halyqty mazalaǵan problemalardy úkimet aldyna qoıý qajettigin qadap aıtty.

"Ol úkimette otyrǵan oıynshyq emes. Men Ábilqasymova hanymdy qurmetteımin, biraq mınıstr retinde ol áleýmettik salaǵa jaýapty. Sondyqtan halyqtyń talaby oryndy dep sanaımyn. Mınıstrdi otstavkaǵa ketirý kerek pe? Jurtshylyq mınıstrden qandaı da bir áreketi úshin jaýapkershilikti talap etýge quqyly. Árbir mınıstr óz salasyna jaýap berýi tıis", - dedi Perýashev.

Ol Eńbek jáne halyqty áleýmettik qorǵaý vıse-mınıstri Svetlana Jaqypovanyń "ata-analardyń túnde jumys isteýi – olardyń tańdaýy" degenine qatysty da pikirin bildirdi.

"Ata-ana sharasyzdyqtan baryp otyr mundaı qadamǵa. Eńbek jáne halyqty áleýmettik qorǵaý mınıstrligi nege kóp balaly ata-analardy túnde jumys isteýge jiberedi?",  dep ashýlandy depýtat.

Onyń aıtýynsha, Májilistiń jalpy otyrysynda "Aq jol" fraksııasy kópbalaly otbasylarǵa tólenetin áleýmettik járdemaqy, baspana máselesin taǵy da kóteredi.

Perýashev órt qaýipsizdigi máselesi aımaqtyq emes, barlyq óńirde kezdesetin júıeli problema ekenin atap ótti.

"О́rtke qatysty aıtar bolsaq, bul tótenshe jaǵdaılar komıtetiniń tikeleı jaýapkershiligi. Otstavka týraly sóz qozǵasaq, Ishki ister mınıstrliginiń tótenshe jaǵdaılar komıtetiniń otstavkasy týraly aıtýymyz kerek. Bul olardyń tikeleı jumysy", - dedi depýtat.

Esterińizge sala keteıik, bir otbasyndaǵy bes balanyń ómirin jalmaǵan órt Astanada Kóktal-1 aýdanynda boldy. Apaly-sińlili bes qyz túnde úıde jalǵyz qalǵan, ata-anasy jumysta bolypty. О́rt saldarynan 2006, 2009, 2014, 2016 jáne 2018 jyldary týǵan bes bala kóz jumdy.

Usynǵan: Ásel Bolatqyzy