Qazaqstannyń veterınarlyq qyzmetine HEB sarapshylary baǵalaý júrgizdi

Qazirgi ýaqytta Halyqaralyq epızootııa bıýrosynyń (HEB) sarapshylar toby respýblıkamyzdaǵy veterınarlyq qyzmetter, sonyń ishinde júıelik taldaý men jalpy basqarýǵa baǵalaý júrgizýge kiristi, dep habarlaıdy Qamshy.kz aqparat agenttigi.

HEB sarapashylary mal sharýashylyǵy obektilerin, soıý jáne satý nysandaryn, oblystyq veterınarlyq stansııalar men zerthanalardy, ǵylymı ınstıtýttardy, sondaı-aq jetekshi oqý oryndaryn aralady. HEB sarapshylarynyń veterınarlyq qyzmetti baǵalaýy 5 jylda bir ret júrgiziledi.

Osy mıssııa barysynda sarapshylar Astanadaǵy HEB-tiń aımaqtyq úılestirý keńesiniń kómegimen aýsyl aýrýymen kúresýde respýblıkamyzdyń oń nátıjelerin atap ótti. Sonyń nátıjesinde elimiz aýsyl aýrýynan bosatylǵan aımaq mártebesine ıe boldy.

Aıta keteıik, Qazaqstan 1993 jyldan beri HEB quramyna kiredi.

Veterınarııalyq qyzmetti baǵalaýdyń aldyńǵy mıssııasy 2011 jyldyń tamyzynda ótkizildi. Tekserýdiń nátıjesi men usynystary negizinde Veterınarlyq baqylaý jáne qadaǵalaý komıteti, aýdandyq veterınarlyq stansııalar men pýnktter quryldy. Veterınarlyq zańnama halyqaralyq standarttarmen úılestirilgen, janýarlardy sáıkestendirý boıynsha derekter bazasy jetildirildi. Máselen, eger 2011 jyly tek iri qara mal ǵana anyqtalsa, búgingi kúni usaq maldar, túıe, shoshqa, jylqy anyqtalýda.

Eksporttyq áleýetti damytý sheńberinde sheteldik eksporttaýdy damytý úshin sheteldik memlekettermen kelissózder júrgizýdi jeńildetetin halyqaralyq uıym mártebesine ıe bolý qajet.
2017 jyldyń 25 mamyrynda 85 HEB-ǵa múshe elderdiń Bas sessııa Assambleıasynda elimizdiń 5 óńiri – Almaty, Shyǵys Qazaqstan, Jambyl, Qyzylorda jáne Ońtústik Qazaqstan oblystary aýsyldan taza aımaq mártebesin resmı aldy.

Buǵan deıin Qazaqstannyń 9 oblysy aýsyldan ekpesiz taza aımaq (2015), Aýsyldy baqylaý boıynsha ulttyq baǵdarlamany qoldaý (2016) jáne jylqylardyń afrıkalyq oba aýrýynan taza el statýsyn alǵan bolatyn. Osylaısha, búgingi kúni Qazaqstan Respýblıkasynyń barlyq aýmaǵy aýsyldan taza el resmı statýsyna ıe.

HEB sarapshylarynyń oń qorytyndysy Qazaqstannyń aýyl sharýashylyǵy taýar óndirýshileri úshin mal sharýashylyǵy ónimderiniń eksportyn arttyrýǵa múmkindik beredi.

Dúnıejúzilik janýarlar densaýlyǵy uıymy (OIE) – Halyqaralyq epızootııalyq bıýro – álem boıynsha janýarlardyń densaýlyǵyn qorǵaýǵa jaýapty úkimet aralyq mekeme, 1924 jyly 25 qańtarynda qurylǵan.

HEB-tiń negizgi maqsaty – memleketterdiń qurylymy men ekonomıkalyq mártebesine qaramastan, janýarlardyń densaýlyǵyn saqtaý men qorǵaý bolyp tabylady.

1) Zoosanıtarlyq aqparatty jetkizý;
2)Veterınarııalyq kyzmetti jaqsartý boıynsha usynystar jasaý;
3)Halyqaralyq normalar, standarttar, erejeler men usynystardy daıyndaý.

HEB-ke múshe elder tómendegideı artyqshylyqqa ıe bolady:

HEB talaptaryna sáıkes janýarlardyń jáne mal sharýashylyǵy ónimderiniń álemdik naryǵynda barlyq ındýstrııalandyrylǵan jáne damýshy elderge teń qol jetkizýdi yntalandyrý;
Janýarlardyń densaýlyǵyn saqtaýǵa ádistemelik keńes berý, azyq-túlik qaýipsizdigi;
Erekshe qaýipti janýarlar aýrýlarynyń epızootııasyn joıýǵa járdemdesý.e

Qazirgi tańda 180 el HEB-qa múshe bolyp tabylady.