09 Qańtar, 2018 Ult bolmysy
Astanada oqıtyn aýǵan stýdenti Nazarbaevtan kómek surady
Hafız Han jastardy ózi uıymdastyrǵan "Jastar beıbitshilik úshin" fleshmobyn qoldaýǵa shaqyrdy
Aýǵanstannan kelgen stýdent Hafız Han beıneúndeý arqyly Nursultan Nazarbaevqa júginip, eldegi soǵysty toqtatýǵa kómektesýdi ótindi, dep habarlaıdy Qamshy.kz aqparat agenttigi. Jelide stýdenttiń vıdeojoldaýy jarııalandy.
"Men aýǵan soǵysynda aman qaldym. Ákemniń kóz jasyn kórdim. О́te qorqynyshty. Qaryndasymdy mektepke jiberýge qorqamyz, sebebi oralmaýy múmkin. Biraq men kek alǵym kelmeıdi. Men tynyshtaldym. Qazaqstanda jaqsy bilim alyp jatyrmyn. Meni túrli ult ókilderimen beıbit ómir súrýge úıretti, Aýǵanstan halqy da osylaı ómir súrýi kerektigin túsindim", — deıdi Han.
Jas jigit AQSh prezıdenti Donald Tramp pen Qazaqstan basshysy Nursultan Nazarbaevtan Aýǵanstandaǵy jaǵdaıdy retteýge kómektesýdi surady.
"Qurmetti Nursultan Nazarbaev, siz – álemdik aýqymdaǵy kóshbasshysyz. Kóptegen janjaldy sheshýde talaı ret bitimger boldyńyz. Qazir bári Astanada ótken Sırııa boıynsha kelissózder nátıjesin kórip otyr. Taıaýda jańalyqtardan sizdiń Donald Tramppen kezdesetinińizdi estidim. Nursultan Ábishuly, sizden oǵan meniń sózderimdi jetkizýdi jáne Qazaqstanda beıbit dıalog bastaýdy ótinemin", — dedi stýdent.
Sondaı-aq, Hafız Han jastardy ózi uıymdastyrǵan "Jastar beıbitshilik úshin" fleshmobyn qoldaýǵa shaqyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir