23 Mamyr, 2017 Aıtty-eı, baýyryń!
Jańa halıfamyz Donald bın at-Tramp II qutty bolsyn!
AQSh prezıdenti Donald Trampqa baılanysty
AQSh prezıdenti Donald Trampqa baılanysty Býrhanýddın Abdýlhakım óz pikirin feısbýk paraqshasyna jazdy dep habarlaıdy Qamshy aqparattyq agenttigi. Ol Tramptyń musylmandarǵa aıtqan sózderin synǵa alyp, óz oıyn bildirdi.
Tramptyń prezıdent bolyp saılanǵannan keıin, alǵashqy saparyn Saýd Arabııasyna jasaýy tegin emes. Tek Saýd emes, artynan Izraıl sosyn Rımge barady. Bul neni bildiredi? Bul áli kúnge álemdik úsh dinniń halyqaralyq saıasatta salmaǵy bar degenin bildiredi. Jańa túsken kelin aldymen ata-enesine ıilip sálem beretini sekildi, Trampgúl da Taıaý Shyǵystyń qarttaryna sálem bereıiń degeni ǵoı.
Degenmen óz tiline ıe bola almaıtyn Tramp, saılaý aldyn "Musylmandardy AQSh-qa kirgizýge tyıym salý kerek", "AQSh-tyń Izraıldegi elshiligin Ierýsalımge aýystyramyz" degen sıpattaǵy baıqaýsyz sóılemder aıtyp, biraz musylmannyń ashýyna tıip edi. Iá, biraq prezıdent esalań bolsa da, onyń qasyndaǵylar aqymaq emes. 2 mıllıaradqa jaqyn musylmannyń Amerıkaǵa dushpandyǵy emes, dostyq sezimi qajet.
Sonymen Tramp nege Saýdııaǵa keldi?
Birinshiden, 1945 jyly Rýzvelt pen korol Abdýrrahman bın Ál-Saýdtyń negizin qalap ketken amerıkan-saýd dostyǵy Baraq batyrdyń kezinde "Iranmen kelisimshart" máselesine baılanysty biraz nasharlap ketip edi. Iаǵnı araptardyń renjigien kóńilin aýlap, qaıta úmit berý úshin keldi.
Ekinshiden, osy sátti paıdalana otyryp 55 musylman memleketten kelgen lıderlerge ózin kórsetip, áńgimesin aıtyp ketý. Onyń ústine musylmandardyń óz minberine shyǵyp, olarǵa ne isteý kerek ekendikterine baǵdar aıtyp, nusqaýlar berý - krýto emes pe? (buryn bundaı tek halıfalardyń qolynan kelgen).
Úshinshiden, Irannyń keıingi kezderdegi ekspansııalyq saıasatynan qorqyp qalǵan, saýdtarǵa 300 mıllıardqa(!) qarý-jaraq satý úshin keldi. Negizi saýdtar bul qarý-jaraqty alsa da, olardy tıimdi qoldaný úshin kerekti mamandary da, mılary da jetpeıtinin eskere otyryp, buny jańa kelgen "qojaıynǵa" bergen vzıatkasy retinde qarastyrý durysyraq sııaqty.
Býrhanýddın Abdýlhakım jeke paraqshasynan alynǵan.
Sholýshy: Ásel О́teshova
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir