Júkti áıel ÝZI-ge túskende balanyń murny úlken bolatynyn aıtqan, alaıda jaǵdaı múldem ózgeshe boldy

Amerıkandyq Emı Pýl esimdi áıel alǵash ret óziniń balasyna qaraǵanda onyń ózgeshe murnyn kórip qatty tańǵalǵan, dep habarlaıdy Qamshy aqparattyq agenttigi sheteldik BAQ-qa silteme jasap.

Jergilikti BAQ-qa suhbat bergen áıel ulyn eń birinshi ret kórgende tili baılanyp qalǵanyn aıtady. Alaıda birneshe ýaqyttan soń sabasyna túsip, aınaladaǵy adamdardyń ne dep aıtatynyna qaramastan ony jaqsy kóretinin aıtqan.

Ollıdiń jasy qazirgi tańda 2-de. Alaıda onyń túri azdap ózgesheleý bolǵandyqtan anasy ekeýi beıtanys adamdardyń «usqynsyz» degen sııaqty jaman pikirlerine qarsy turýy kerek.

Emı Pýl júktiliktiń 20-shy aptasyna kelgende dárigerler onyń balasynyń murnynda bir aqaý bar ekenin sezgen.

«Olar meniń qolyma Ollıdi bergende qatty tańqalyp, tilim baılanyp qaldy. Ol ózi óte kishkentaı boldy, al onyń murnynda kólemi golf dobymen birdeı úlken dop boldy. Alaıda ony qatty jaqsy kóretinimdi bildim», - deıdi Ollıdiń anasy.

Ollı ensefalosele dep atalatyn óte sırek kezdesetin aýrýǵa shaldyǵyp týylǵan: onyń mıy bas súıgenidegi jáne murnyndaǵy tesiginen ósip ketken. Búldirshin ósken saıyn onyń murny da birge ósip keledi.

Kóshedegi beıtanys adamdar men buzaqy balalar Ollıdi «usqynsyz» dep atap, saýsaqtaryn shoshaıta kórsetýden tanbaıdy.

Ollıge birneshe ota jasalǵan. Anasy balasyn pyshaqtyń astyna jatqyzýǵa qımaǵanymen, menıngıt aýrýyna shaldyǵý qaýipi bar bolǵandyqtan amalsyz kelisken. Baqytyna oraı ota sátti ótipti.

Aýdarǵan: Nazerke Labıhan