Koreılik qyz 123 qabatty ǵımaratqa arnaıy qural-jabdyqsyz órmelep shyqty (VIDEO)

28 jastaǵy ońtústikkoreıalyq alpınıst qyz Kım Djeın eshqandaı arnaıy qural-jabdyqsyz, tek saqtandyrý beldigimen ǵana 123 qabatty Lotte World Tower záýlim úıge órmelep shyqty dep habarlaıdy inform.kz.

Ońtústik Koreıadaǵy eń bıik ǵımaratty baǵyndyrýǵa sportshynyń shamamen eki jarym saǵattaı ýaqyty ketti.

YouTube vıdeotranslıasııany osy ǵımarattyń arnasynan júrgizdi.

«Bul kúrdeli boldy. Men joǵary kóterilgen kezde ustaıtyn, aıaq tireıtin jerler taryla  bastady»,-dedi bıiktikti baǵyndyrǵannan keıingi áńgimesinde alpınıst.

Ońtústikkoreıalyq  Ionhap agenttiginiń atap ótýinshe, Djeın birinshi synypty atlet. 11 jyldan beri ol azııalyq jarystarǵa úzbeı qatysyp keledi. Álemdiń deńgeıdegi 25 jarystyń jeńimpazy.