Aqtóbe oblysynda 641 myń gektar jerge egin egiledi

Aqtóbe óńirinde kóktemgi dalalyq jumystar qyzý júrip jatyr. Bıyl 641 myń gektar jerge egin egiledi, dep habarlaıdy Qamshy aqparattyq agenttigi  QazAqparat-qa silteme jasap.

Aqtóbe oblysyndaǵy egin egý naýqanymen tanysý úshin óńir basshysy Berdibek Saparbaev Qarǵaly aýdanyna bardy. Belgili bolǵany, bıyl 641 myń gektar jerge egin egiledi. Onyń teń jartysynan astamy, ıaǵnı, 383 gektary dándi-daqyldar. Boljam boıynsha 480 myń tonna astyq jınalýy tıis.

«Eń bastysy - egis salý merzimin sozbaý. Qazir bar kúsh pen qordy kóktemgi egin egý naýqanyn ýaqytynda aıaqtaý úshin jumsaý kerek. Tuqymnyń sapaly bolýy - ónimdi mol alýdyń kepili. Bul másele talaı aıtyldy. Azyq-túlik qaýipsizdigin júzege asyrýda negizgi kúsh aýyl aýyl sharýashylyǵyna túsedi.

Sondyqtan biz egis alqaptaryn ulǵaıtyp, paıdalanylmaı jatqan jerlerdi qaıtaryp alý jumystaryn jalǵastyra beretin bolamyz. Sharýa qojalyqtary topyraq qunarlylyǵyn saqtaı otyryp, tyńaıtqyshtardy paıdalaný, alqap ónimdiligin arttyrý, tehnıkany jańǵyrtý jumystarymen de shuǵyldanýy tıis. Qazirgi kezde osy sharýalardyń barlyǵyna memlekettik qoldaý tetikteri engizildi. Tek múmkindikti tıimdi paıdalaný kerek», - dedi oblys ákimi B.Saparbaev.   

Aıta keteıik, sharýalarǵa arnalǵan 8,8 myń tonna arzandatylǵan dızel otyny Aqtóbege jetkizildi. 

Sholýshy: Nazerke MUSA