Urmashy, áke! (ómirde bolǵan shynaıy oqıǵa jelisimen)

Búgin Antalııa-Kıev baǵytyndaǵy ushaqta bir oqıǵaǵa tap boldym. 8 jastaǵy bala qaǵaz staqandaǵy sháıin ústine tógip aldy. Qatty shoshyp ketip aıqaıǵa bas salǵan ol ushaq ishindegi barlyq adamdardy aıaǵyna tik turǵyzady. Stıýardessalar júgirip kómekke keldi,tipti ushaqtaǵy er adamdar járdem qolyn usyndy. Al bala bolsa: "Áke, urmashy, urmashy ótinem. Urmashy!",-dep júgire jóneldi.

Soqqylar janyna qatty batqan bala barlyǵyn sezdi. Qoryqty. О́ziniń taǵy da soqqyǵa jyǵylatynyn sezdi. Onyń daýsy muńǵa toly edi. Tipti, men, tórt balanyń anasy bul jaǵdaıǵa beıjaı qaraı almaı, júregim eljirep jylap jiberdim. О́mirimde budan asqan aıanyshty jaǵdaıdy bastan ótkermep edim. Aıaǵy qyp-qyzyl daqqa tolǵan bala stıýardessa qyzdyń artynan erip bara jatty, al qasynda «Men saǵan eskerttim ǵoı, nege abaılamaısyń!»,-  dep daýys kóterip kele jatqan buıra shashty er adam kele jatty.

Balany urýdan saqtaný kerek. Eshqashan balalaryńyzdy urmańyzdar. Olar bir nárseni durys emes istese de túsinistikpen qaraýǵa tyrysyńyzdar. Tamaq jemeı otyr ma, nashar baǵa alyp keldi me - báribir bul balaǵa judyryq jumsaýǵa sebep emes.

Bala - bul naǵyz mahabbat. Balanyń syrlasy, dosy, qorǵaýshysy bolýǵa tyrysý kerek. 

Aýdarǵan: Nazerke MUSA