OQO turǵyny 15 jastaǵy qyzdy ájethanaǵa alyp baryp, zorlap ketken

OQO-da kezekti pedofıl tutqyndaldy, dep habarlaıdy Qamshy aqparattyq agenttigi timeskz.kz basylymyna silteme jasap.

Túlkibas aýdanynyń 23 jastaǵy turǵyny osyǵan deıin de sotty bolǵan. Ne otbasy, ne jumysy joq jigit ishi pysqannan aýdan kóshelerin aralap júrip, mektepten qaıtyp kele jatqan 15 jastaǵy oqýshyny kórip qalǵan.

Jas jetkinshekpen tanysyp, oǵan túrli maqtaý sózder aıtyp, úıine shyǵaryp salmaq boldy. О́z aram pıǵylyn iske asyrmaq bolǵan qylmysker jolda saıabaqta serýendep qaıtýdy usynǵan. Belgili bolǵandaı, saıabaqta adamdar bolmaǵan. Pedofıl kenetten qyzǵa tap berip, ony ájethanaǵa súırep alyp barǵan da, ony zorlaǵan.

Keıinnen mektep oqýshysyn úıine deıin alyp baryp, anasyna aıtqan jaǵdaıda óltirip ketemin dep qorqytqan eken.

Zardap shekken qyz kele sala mán-jaıdy anasyna aıtyp bergennen soń anasy dereý polısııa bólimshesine baryp aryz jazǵan.

Qylmystyq isterge qatysty OQO aýdandyq mamandandyrylǵan soty kámeletke tolmaǵan qyzǵa zorlyq kórsetti degen aıyppen qylmyskerdi 14 jylǵa bas bostandyǵynan aıyrdy.