«Úırektiń jumyrtqasy»... Sulýlyq baıqaýynyń jeńimpazy dál osy qyz bolady dep eshkim oılamaǵan

Jaqynda Qytaıda jergilikti kompanııalardyń biri mektep oqýshylarynyń arasynda sulýlyq baıqaýyna irikteý ótkizdi. Kenetten Sın Sı esimdi qatysýshynyń úmitker retinde jelige jarııalaǵan sýreti kópshiliktiń nazaryn aýdartty, dep habarlaıdy Qamshy aqparattyq agenttigi sheteldik BAQ-qa silteme jasap.

Esimin «Úırektiń jumyrtqasy» dep kórsetip, «óz-ózime senimdimin» degen jazbamen №20 qatysýshy bolyp tirkelgen eken. Internet qoldanýshylary boıjetkenniń sýretin kórip, tańdanystaryn jasyra almady. Kóptegen jeli qoldanýshylary qyzǵa pikir qaldyryp, «onyń ózine degen senimdiligin qurmetteımin, oǵan daýys bergen durys» dep jazǵan. Basqa oıynshylarǵa qaraǵanda Sın Sıge berilgen daýys sany edáýir ósip, bir kúnde 360 000-ǵa jetken.

Alaıda sulýlyq baıqaýyn uıymdastyrýshylar bul qyzdyń fotosýreteriniń urlanǵandyǵyn anyqtap, onyń sýretterin qatysýshy retinde júktegen ózi emes, dostary bolyp shyqty. Uıymdastyrýshylar «Úırektiń jumyrtqasy» degen atpen tirkelgen qatysýshyny baıqaýdan shyǵaryp, sýretterin óshirip tastaǵan. Alaıda, jeli qoldanýshylary uıymdastyrýshylardyń bul isine narazylyq bildirip, qarsy shyqqan. Keıinnen baıqaýǵa jaýapty adamdar Sın Sıge qaıtadan habarlasyp, mán-jaıdy túsindirgennen soń qyzdyń ózi bul baıqaýǵa qatysýǵa kelisim bergen. Sın Sıdiń sýretin jelige qaıtadan júktep, nólden bastap daýys jınaý qajet bolǵan. Tańqalarlyǵy, qatysýshy bir kúnniń ishinde 310 000 daýys jınap úlgerdi.

Nátıjesinde, «Úırektiń jumyrtqasy» daýys sanaǵy boıynsha alǵashqy mektep oqýshylary arasyndaǵy sulýlyq baıqaýynyń jeńimpaz atanyp, jeke marapatqa ıe boldy. Jeli qoldanýshylary: «Bul ádil jáne ashyq túrdegi básekelestik bolyp tabylady!» dep, Sın Sıge qoldaý kórsetti.