Pavlodardaǵy «Irbıs» telearnasy kók tústi «Jeńis lentasyn» moıyndamaı otyr

Pavlodar qalasyndaǵy «Irbıs» telearnasy Qazaqstanda arnaıy belgilengen Jeńis lentasyn moıyndamady dep habarlaıdy Qamshy aqparattyq agenttigi. Aıta ketetin bolsaq elimizde 2015 jyly arnaıy Jeńis lentasy jasaldy. Ol ózimizdiń týymyzdyń túsimen birdeı, qazaqy naqyshtalǵan lenta edi.  Bul lentany Jeńis meıramy qarsańynda barlyq qazaq taǵyp júrýi tıis bolatyn. Alaıda  «Irbıs» telearnasynyń qyzmetkerleri áli kúnge deıin qońyr-sary tústes «Georgıı lentasyn»  taǵyp júr. Bul óz elimizdiń arnaıy jasalǵan lentasyn moıyndamaý ma álde mensinbeý me?

Turǵyndardyń aıtýy boıynsha, Pavlodar qalasynda «Jeńis lentasy» tegin taratylýdyń ornyna, satylymǵa shyǵady eken. Jeke lenta - 150 teńge, dóńgelek belgishesi bar lenta - 350 teńge turady. 

2016 jyly da olar jeńis lentasyn taqpaǵan edi. Olardyń bul áreketi halyqtyń ashýyn týǵyzdy. Orystardyń ıdeologııasynan qutylý úshin ózindik erekshelikpen «Jeńis lentasyn»  jasap shyǵarǵanbyz. Al bul qyzmetkerler áli kúnge deıin Reseı lentasyn taǵyp, esh qysylmaı efırge shyǵyp júr. Sonymen birge bul telearna orys tilinde júrgiziledi. Biraq baǵdarlama qaı tilde júrgizilse de, telearna Qazaqstanda ornalasqandyqtan óz elimizdiń zańdylyqtaryn oryndaýǵa mindetti.  Osyǵan baılanysty ázirge eshqandaı shara qoldanylyp jatqan joq. Bul is-áreketteri olardyń qazaq ultyna degen mensinbeýshiligin bildiredi.